Pasïr phajjsinakan mistki uka revistanakampejj ¿kunjamsa yatiysna?

Jiwasatï pasat revistanak ukhamak imjjañäni jan ukajj jaqtjjañäni ukhajja, janiw askïkaniti, ukatwa uka revistanak jaqenakar churañatak chʼamachasiñasa. Mä revista liytʼasakiw yaqhepanakajj Bibliat yatjjatañsa, ukat Diosan sutip jachʼañchañsa munapjjaspa (Rom. 10:13, 14). Ukhamajj kunjamsa uka revistanakamp yatiysna, uk jichhajj mä qawqha yanaptʼanak uñjañäni.

• Kawkïr territorionakantï jan sinti yatiyatäki ukan yatiykasaw jan utankapki ukanakar revistanak jaytsna, ukampis anqäjjat jan uñjkañaki usktʼañaw wakisispa.

• Walja jaqenak utjki uka cheqanakan yatiykasajja, auto sayañanakana jan ukajj ferianakanwa mä qawqha revistanak uñachtʼaysna, ukhamat liyiñ munirinakajj ajlltʼasipjjañapataki.

• Territoriosantï chuymankipstatanakar uñjañatak utanaka, hospitalanaka ukat yaqha ukhamanak utjchi ukhajja, kawkhantï suyapki ukaruw mä qawqha revistanak jaytaraksna. Ukampis utj-jjchejja, janiw jaytañajj wakisjjaspati. Ukat uka utan encargadoru uñjañäni ukhajja, jupatwa permiso mayiñasa.

• Bibliat jukʼamp yatjjatañ munapki ukanakar janïr kuttʼasajja, kunanakatsa jupanakajj yatjjatañ munapjjaspa uk sum amuytʼañasa. ¿Wawanakaniti? ¿Viajañat gusti? ¿Alinakata jan ukajj panqaranakat yatjjatañcha munaspa? Kuttʼasajj uka toqet parlir revistanakwa ajlltʼasin aparapiñasa.

• Bibliat yatjjatañ munirimpitï walja phajjsinak qhepat jikisstanjja, kawkïr revistanaksa jan churktan ukanakat ajllisiñapatakiw uñachtʼaysna.