Diosan Arunakap Yatiyañatak Escuela–Repaso
Aka jisktʼanakarojja, junio 29 urut qalltki uka semananwa Diosan Arunakap Yatiyañatak Escuela sat tantachäwin qhanañchasiskani. Aka jisktʼanakajj kuna semanansa qhanañchasiskani, ukaw sapa jisktʼan uñstaraki. Ukhamat jayäkipan sum wakichtʼasiñasataki.
Mical warmin David chachapar chuyma ustʼayir arunakampi satapajj ¿kunatsa jan walïkäna, ukat kunsa uka sarnaqäwit chacha warminakajj yateqapjjaspa? (2 Sam. 6:20-23.) [Mayo 11, w11 10/1 jana 30 § 1.]
Natán profetajja, kuntï templo lurañatak amtkta ukanak luraskakim sasaw Davitarojj säna, ukampis Jehová Diosan cheqañchatajj ¿kunsa Natán profetajj luräna? (2 Sam. 7:2, 3.) [Mayo 11, w12 2/15 jana 24 § 6, 7.]
Davitar pantjasitapat cheqak juchañchañat sipansa, ¿kunatsa Natán profetajj 2 Samuel 12:1-7 qellqatan jikjjataski uka sarnaqäwit cuentʼpachäna? ¿Kunjamsa uka sarnaqäwejj suma yatichirïñatak yanaptʼistaspa? [Mayo 18, w12 2/15 jana 24 § 2, 3.]
¿Kunjamsa Absalón chachajj israelitanakar kʼarintäna? ¿Kunjamsa jupjam chachanakat jichhürunakan jarkʼaqassna? (2 Sam. 15:6.) [Mayo 25, w12 7/15 jana 13 § 7.]
¿Kunjamsa Jehová Diosajj Davitampir ukat yanapirinakapampiru pistʼata uñjasipkän ukhajj yanaptʼäna, ukat kunsa yateqsna? (2 Sam. 17:27-29.) [Junio 1, w08 9/15 jananaka 5, 6 § 15, 16.]
Itai chachajj janiw israelitäkänti, ukampis Davitajj kunjamtï jupar uñjkän ukajj ¿kunsa yatichistu? (2 Sam. 18:2.) [Junio 1, w09 5/15 jana 28 § 1.]
Abisai chachajj ¿kunjamsa wakiskäna ukhajj Davitar yanaptʼäna, ukat kunsa uka sarnaqäwit yateqsna? (2 Sam. 21:15-17.) [Junio 8, w13 1/15 jananaka 30, 31 § 13, 14.]
¿Kunatsa jachʼa jachʼa tukuñajj tʼaqa tʼaq sarnaqayistaspa, ukat kunjamsa Diosajj ukar atipañ yanaptʼistu? (2 Sam. 22:36.) [Junio 15, w10 9/15 jana 14 § 11.]
¿Kunjamsa Natán profetajj Jehová Diosar taqe chuyma loqtatap uñachtʼayäna, ukat kunjamsa jiwasajj ukham taqe chuym loqtaraksna? (1 Rey. 1:11-14.) [Junio 22, w12 2/15 jana 25 § 1, 4, 5.]
Diosan kamachinakap jan phoqañatakejja, ¿kuna toqenakansa mä cristianojj Salomonjam pantjasitanakapajj walikïskaspas ukham amuyaspa? (1 Rey. 3:1.) [Junio 29, w11 12/15 jana 10 § 12-14.]