“Akankasktwa nayajj, nayar khitasita”

Isaías profetajj wali yateqaskayawa. Jupajj walpun Diosar cofiyäna, kawkhantï yatiyirinakajj jukʼampi munaskäna uka cheqanak janis uñtʼkchïnjja ukar sarañatakejj jankʼakïnwa (Isa 6:8). Yatiyirinakajj jukʼamp munaski uka cheqanakar sarañatakejja, ¿kunsa familiamampejj lurapjjasma? (Sl 110:3). Cheqas janïr sarkasajj sum amuytʼasiñaw wakisi (Lu 14:27, 28). Ukampis askisak thaqañat sipansa, nayraqatajj Diosan arunakap yatiyañatakiw chʼamachasiñasa (Mt 8:20; Mr 10:28-30). Kunjamtï Yaqha markan yanaptʼañatakiw sarjjapjjta sat videon uñjaskejja, ukham luratasat Jehová Diosajj wal bendisistani, kunanaktï jaytawayktan ukanakas janiw kunäjjanisa.

VIDEO UÑTASAJJA AKA JISKTʼANAKARUW QHANAÑCHAPJJÄTA:

• ¿Ecuador markan Diosar jukʼampi servir sarañatakejja kunanaksa Williams familiajj jaytapjjäna?

• ¿Kawkirus sarapjjani uk sum amtañatakejj kunanakjjatsa amuytʼasipjjäna?

• ¿Kuna bendisionanaksa katoqapjjäna?

• ¿Kawkhansa yatiyirinakajj jukʼamp munasi uk kunjamatsa yatjjatsna?

FAMILIANA DIOSAR YUPAYCHAÑATAKI ARUMANWA AKA TOQENAKAT YATJJATAPJJASMA:

• ¿Diosan arunakap jukʼampi yatiyañatakejj kunsa familiasan lursna? (km 8/11 jananaka 4-6).

• Kawkhantï yatiyirinakajj jukʼampi munaski uka cheqanakar jan sarirjamäkstan ukhajja, ¿kunjamsa tamasan jukʼamp yanaptʼsna? (w16.03 jananaka 23-25).