Awk taykanaka, wawanakamarojj Diosar servipjjañapatak yanaptʼapjjam

Cristiano awk taykanakajja, wawanakapajj Jehová Diosar jan jitheqtas servipjjaspa ukwa munapjje. Jumanakatï wawanakamar jiskʼatpach Bibliat yatichañatak chʼamachasipjjätajja, Diosar servipjjañapatakiw yanaptʼapjjäta (Dt 6:7; Pr 22:6). Ukham lurañajj janis faciläkchejja, chʼamachasitanakamajj janiw inamayäkaniti (3Jn 4).

Awk taykanakajj Joseampita Mariampit wal yateqasipjjaspa. Jupanakajj “sapa maraw Jerusalén markar Pascua fiestatak sarapjjerïna”, ukham viajiñajj chʼamäkchïnsa gastökchïnsa, sarapjjapunirïnwa (Lu 2:41). Joseatakisa Mariatakisa, wawanakapajj Jehová Diosar jakʼachasipjjaspa ukaw jukʼamp wakiskirïna. Jichhürunakanjja, ukhamarakiw awk taykanakajj arunakapampi luratanakapampejj Jehová Diosar servipjjañapatak wawanakapar yanaptʼapjjaspa (Sl 127:3-5).

WAWANAKAPAR DIOSAT PARLAPJJAPUNIRÏNWA VIDEO UÑTASAJJ AKA JISKTʼANAKARUW QHANAÑCHTʼÄTA:

• Jon Schiller jilatampi Sharon kullakampejja, ¿kunjamsa wawanakapar uywasajj Diosar serviñ nayrar uchapjjäna?

• ¿Kunatsa wawanakasar jan mä pachpak cheqañchañasäki?

• Diosat jan jitheqtas jan waltʼäwinak aguantapjjañapatakejja, ¿kunjamsa awk taykanakajj wawanakapar yanaptʼapjjaspa?

• Jehová Diosan markapajj yanaptʼanak churkistu ukanakatjja, ¿kawkïrinakampis jumanakajj Jehová Diosan amigopäpjjañapatak wawanakamar yanaptʼapjjta?