Aguantas suyasipkakiñäni

¿Qhawqha tiempos Diosan Reinop puriniñap suyasktanjja? ¿Jan walinakan uñjasisajj pacienciampit aguantasktanjja? (Ro 8:25). Yaqhep cristianonakajja, uñisita, jan waltʼayäta, carcelan jistʼantata, ‘jiwayämaw’ sasin ajjsarayataw uñjasipjje. Yaqhepanakasti jan qollkañ usunïpjjewa jan ukajj jilïrejjapjjewa.

Jan walinakan uñjaskasasa ¿kunsa aguantas suyaskakiñatakejj lurañasa? Sapüruw Biblia liyiñasa, liytʼktan ukanakata ukat kuntï suytʼasktan ukanakatwa lupʼiñasaraki ukhamat Diosar jukʼamp confiyañäni (2Co 4:16-18; Heb 12:2). Jehová Diosaruw espíritu santop toqe jiwasar chʼam churañapatak yanaptʼa mayisiñasa (Lu 11:10, 13; Heb 5:7). Wali munasir Awkisajj pacienciampi ukat kusisita aguantañasatakiw yanaptʼistani (Col 1:11).

“TʼIJUÑANJJA AGUANTAS TʼIJUSIPKAKIÑÄNI”: PREMIO KATOQAÑAT JANIPUN PÄCHASIÑÄNITI SAT VIDEO UÑTASAJJA, AKA JISKTʼANAKARUW QHANAÑCHTʼÄTA:

• 

  ¿Kuna jan walinakas mä akatjamat pasistaspa? (Ec 9:11).

• 

  ¿Kunjamsa oracionajj jan walinakar saykatañatak yanaptʼistu?

• 

  Janitï nayrjam Diosatak lurirjamäjjstan ukhajja, ¿kunatsa kuntï lurirjamäktan ukanakat lupʼiñasa?

• 

  ¿Kuntï jutïrin katoqkañäni ukanak ‘katoqapunïwa’ sasin confiyañatakejj kunas yanaptʼtamjja?