Jehová Diosajj arunakap phoqapuniwa

10:13

Jehová Diosajja, jankʼakiw kuna yantʼatsa salvistaspa. Ukampis jila partejja, kunas uka yantʼar atipjañatak yanaptʼistaspa ukampiw yanaptʼistu.

• Jupajja, Arupampi, espíritu santopampi, kuntï markap toqejj churkistu ukampiw chuymachtʼistaspa, jan sint llakisiñatakis yanaptʼistaspa (Mt 24:45; Jn 14:16, nota; Ro 15:4).

• Diosajj espíritu santopampiw Biblian qellqat sarnaqäwinaka, Bibliankir wiñay yatichäwinak amtañatak yanaptʼistaspa. Ukanakaw suma amtanakar puriñatak yanaptʼistaspa (Jn 14:26).

• Jehová Diosajj angelanakampiw yanaptʼistaspa (Heb 1:14).

• Jilat kullakanak toqew Diosajj yanaptʼistaspa (Col 4:11).