Sum sarnaqañasa, wali respetasirïñas maynin chuymaparuw purtʼaspa

Diosar servir tukjje uka cristiana warmejja, suma sarnaqatapampiw esposopan Diosar serviñapatakejj yanaptʼaspa. Ukampis walja maranak Diosar serviñat jarkʼasaw esposopajj cambiaspa (1Pe 2:21-23; 3:1, 2). Jumatï ina chʼusat tʼaqesiyata uñjassta ukhajja, kunatï jan walïki ukarojj kunatï walïki ukamp atipjaskakim (Ro 12:21). Esposomajj arunakamat sipansa, yateqaskay sum sarnaqatam uñjasaw cambiaspa.

Jumatï jupäsma ukhajja, kunjamakis jikjjatasisma uk amuytʼam (Flp 2:3, 4). Jupat khuyaptʼayasim, sinttʼasirakim, kunatï jumar lurañajj waktʼktam uk sum phoqañatak chʼamachasiskakim. Istʼañ yateqam (Snt 1:19). Paciencianïñamawa, qhawqsa jupar munasta uksa sañamarakiwa. Respetompi, munasiñampi uñjkatas inas jupajj jan ukham uñjkchïtamti. Ukampis Jehová Diosajj jupar jan jitheqtas yupaychatam wali valoranit uñjatap amuyasajj kusisitäyätawa (1Pe 2:19, 20).

JEHOVÁ DIOSAW JAN WALINAKAN CHʼAMAÑCHTʼISTU SAT VIDEO UÑTASAJJA, AKA JISKTʼANAKARUW QHANAÑCHTʼÄTA:

• ¿Kunjamas Grace Li kullakajj casaraskäna uka qhepat jakasïna?

• ¿Kunjamatsa Diosar uñtʼawayi?

• Grace Li kullakajj bautisasjjäna uka qhepat jan waltʼäwinakanwa uñjasïna, ¿kunas aguantañatak yanaptʼäna?

• ¿Kunsa Grace Li kullakajj esposopatak Jehová Diosar mayïna?

• Grace Li kullakajj yateqaskay sarnaqatapata, respetomp uñjirïtapatjja, ¿kuna bendicionanaksa katoqäna?