¿Kunjamsa casarat chacha warminakajj jukʼamp sum apasipjjaspa?

Abrahanampi Sarampejj wal munasipjjäna, respetompiw uñjasipjjarakïna (Gé 12:11-13; 1Pe 3:6). Ukampis jupanakajj janiw jan problemanipunejj jakapkänti, kunayman jan waltʼäwinakanwa uñjasipjjäna. Casarat chacha warminakajj ¿kunsa Abrahanampit Sarampit yateqasipjjaspa?

Purapat parltʼasiñajj wali wakiskiriwa. Chachamatï jan ukajj warmimatï coleratächi jan ukajj aynachtʼatächi, qhoru arumpis parlarakstam ukhajja, suma arunakamp parlañatakiw chʼamachasiñama (Gé 16:5, 6). Panim parltʼasiñatakis tiempo apstʼasipjjañamawa. Arunakampisa luratanakampis munasipjjatamwa uñachtʼayasipjjañama. Ukampis Jehová Diosat amtasipjjapunim, panimaw estudiapjjañama, orapjjañama, Jehová Diosarus servipjjañama (Ec 4:12). Sum apasir matrimonionakajja, Jehová Diosaruw jachʼañchi, cheqas jupaw matrimonio uttʼayawayi.

¿KUNAS CHACHA WARMINAKAROJJ SUM APASIPJJAÑAPATAK YANAPTʼASPA? SAT VIDEO UÑTASAJJA, AKA JISKTʼANAKARUW QHANAÑCHTʼÄTA:

• ¿Kunjamatsa Shaan jilatajj Kiara esposapamp jukʼat jukʼat jan sum apasjjapjjäna?

• ¿Kunatsa chacha warminakan qhan parltʼasipjjañapajj wakisi?

• ¿Kunjamsa Abrahanampin Sarampin sarnaqatapajj Shaan jilatampiru Kiara esposapampir yanaptʼäna?

• ¿Kunsa Shaan jilatampi esposapampejj jukʼamp sum apasiñatakejj lurapjjäna?

• ¿Kunatsa casadonakajj janipuniw jan waltʼayasiñajj utjkaniti sasin jan amuyapjjañapäki?