Jehová Diosajj Josearuw qhespiyi

41:9-13, 16, 29-32, 38-40

Joseajj esclavönwa, Jehová Diosan qhespiyañapkamajja tunka kimsani maranakaw carcelan jistʼantat uñjasirakïna. Llakimpi aynachtʼañat sipansa, kunanakatï jupar paskäna ukanakat walja askinakwa yateqäna (Sl 105:17-19). Jehová Diosan jupar jan jaytirïtapsa yatirakïnwa. Jan walin uñjaskasas ¿kunanaksa Joseajj luräna?

• 

  Suma trabajtʼiri confiykañ jaqëñatakiw chʼamachasïna, ukhamätapatwa Jehová Diosajj jupar bendisïna (Gé 39:21, 22).

• 

  Jupar jan walinak lurapkäna ukanakat vengasiñat sipansa, mayninakatwa llakisïna (Gé 40:5-7).

Jan walinakan uñjaskä ukhajj ¿kunjamsa Josean sarnaqäwipajj yanaptʼitaspa?

Jehová Diosan Armagedón urun nayar qhespiyañapkamajja, ¿kun lurañatakis chʼamachasirista?