Jachʼa jachʼa tukuri faraonajj jan amuyasisaw Diosan munañap phoqasiñapatak yanaptʼäna

8:15, 18, 19; 9:15-17

Egipto markankir faraonanakajj diosäpkaspas ukhamaw amuyasipjjerïna. Ukatwa faraonajj Moisesampi Aaronampejj kuntï sapkäna ukhajj jachʼa jachʼa tukusajj jan istʼkpachänti ni yatirinakaparus istʼkpachänti.

¿Jumasti kunjamätasa? ¿Maynejj mä kun lurañamatak ewjjtʼktam ukhajj estʼirïtati? ¿Ewjjtʼatajj yuspärirïtati? ¿Jan ukajj jumapunis razonanïkasma ukhamach tukurïta? Ak amtapunim: “Jachʼa jachʼa tukuñanjja aynachtʼañawa utji” (Pr 16:18). Ukhamajj janipuniw jachʼa jachʼa tukuñasäkiti.