CRISTIANJAM JAKAÑATAKI
Janiw munañanakamamp apayasiñamäkiti
Niyakejjay pantjasir jaqëpjjstanjja, munañasampi jan apayasiñatakejj sapüruw chʼamachasiñasa. Apayasjjsna ukhajja, Jehová Diosamp sum apasiñwa aptʼassna. Yaqhepanakajja, Diosar jukʼamp munasiñat sipansa, utanïñaru, manqʼa jikjjatañaru ukat yaqha ukhamanakarukiw chuym uchapjje. Yaqhepanakasti, Jehová Diosan leyinakap pʼakintasaw qʼañu juchanakan sarnaqapjje (Ro 1:26, 27). Yaqhepasti mayninakamp sum uñjayasiñ laykukiw jupanakjam lurapjje (Éx 23:2).
¿Kunas munañanakasampi jan apayasiñatakejj yanaptʼistaspa? Kunanakatï Diosar serviñan yanaptʼkistaspa ukanak lurañatakiw chʼamachasiñasa (Mt 4:4). Jehová Diosaruw munañanakasampi jan apayasiñatakejj yanaptʼa mayiñasa. ¿Kunatsa? Kunas jiwasar yanaptʼistaspa uk jupajj sum yati, kunanaktï munktan uksa churarakistaniwa (Sl 145:16).
CIGARRO FUMAÑAJJ JAN WALTʼAYIRISTAMWA SAT VIDEO UÑTASAJJA, AKA JISKTʼANAKARUW QHANAÑCHTʼÄTA:
¿Kunatsa yaqhepanakajj cigarro fumapjje?
¿Cigarro fumsna ukhajj kunas pasistaspa?
¿Kunatsa cigarro fumañasa cigarro electrónico fumañas jan walïki? (2Co 7:1).
¡Cigarro fumañ munañarojj jumajj atipjasmawa!
¿Uka jan wali lurañanakat kunjamsa jarkʼaqasisma jan ukajj kunjamsa apanukusma?