Maynejj wiñayatakiw casarasi

Casarat chacha warminakajj sum jakasipjje ukhajja, Jehová Diosaruw jachʼañchapjje, kusisitaw jakasipjjaraki (Mr 10:9). Mä cristianotï wiñay casarat jakasiña, kusisit jakasiñ munchi ukhajja, khitimpis casarasini uk Biblian yatichäwinakaparjamaw ajlliñapa.

Janïr maynimpi uñtʼaskasajja, nayraqatajj ‘qʼajjo wayna tiempsa qʼajjo tawaq tiempsa pasjjañapawa’, ¿kunatsa? Uka tiempojj wayn tawaqonakajj cuerpon munañanakapamp apayasisajj jan waliruw purtʼasipjjaspa (1Co 7:36). Wayn tawaqonaka, solterökasaw Jehová Diosamp sum apasiñataki, cristianjam sum sarnaqañataki chʼamachasipjjañama. Ukaw suma esposöñataki jan ukajj suma esposäñatak yanaptʼätam.

Maynimp janïr casaraskasajja, jupajj kunjam chuymanisa ukwa uñtʼañama, ukatakejj tiempow munasi (1Pe 3:4). Jupat payachassta ukhajja, kunatsa payachasta uka toqet jupampiw parltʼañama. Casarasisajja juma pachpatak llakisiñat sipansa, esposamata jan ukajj esposomatwa llakisiñama, mayninakamp sum apasiñatakis ukwa lurañamaraki (Flp 2:3, 4). Solterökasin Biblian wiñay yatichäwinakaparjam sarnaqañatak chʼamachasïta ukhajja, casarasjjäta ukhajj ukarjam sarnaqañajj janiw chʼamäkaniti, kusisitaw jakasirakïta.

CASARASIÑATAK WAKICHTʼASIÑA. KIMSÏRI: NAYRAQAT SUM AMUYTʼASIÑAMAWA SAT VIDEO UÑTASAJJA, AKA JISKTʼANAKARUW QHANAÑCHTʼÄTA:

• ¿Kunjamsa kullakajj Shane jilatamp uñtʼasiskäna?

• ¿Kullakajj Shane jilatar jukʼat jukʼat sum uñtʼasajj kunsa amuyäna?

• ¿Kunjamsa awk taykapajj yanaptʼäna, ukat kuna suma amtarus purïna?