CRISTIANJAM JAKAÑATAKI
Apostatanakan jan wali amuyunakap jan istʼamti
Diosar serviñan aynachtʼañasatakejja, Supayampi ukat khitinakarutï jupajj apnaqki ukanakampejj cheqa yatichäwinak kʼari yatichäwinakampiw kitantañ yatipjje (2Co 11:3). Asirionakajj ukhamwa lurapjjäna: Jehová Diosan markapar aynachtʼayañatakejj janiw cheq parlapkänti, kunayman kʼarinakwa parlapjjäna (2Cr 32:10-15). Apostatanakajj niya ukhamwa lurapjjaraki. Arsutanakapajj mä venenor uñtasitawa, ukhamajj kuntï sapki ukanak jan istʼapjjañäniti. Comentarionakap janipun liytʼapjjañäniti, janipun jaysapjjañänisa, janirak mayninakarus uka toqet parlapjjañäniti. Jehová Diosata, markapat payachasiyañ munistu uka yatichäwinakat amuyasiñ yateqañasawa, ukat janipuniw ukanakar istʼañasäkiti (Jud 3, 4).
‘DIOSAR CONFIYAÑ TAQE CHʼAMAMPI ARJJATAPJJAM’ (FRAGMENTO) SAT VIDEO UÑTASAJJA, AKA JISKTʼANAKARUW QHANAÑCHTʼÄTA:
¿Internetan kunanakatï utjki, khitinakampis ukan parlasktan ukanakat kunatsa wal amuyasiñasa?
¿Kunjamsa Romanos 16:17 texton ewjjtʼaparjam lursna?