22-28 DE JULIO
SALMOS 66-68
Canción 7, oración | Qalltañatak mä qhawqha arunaka (1 min.)
1. Jehová Diosajj sapüruw qʼepinakas apañ yanaptʼistu
(10 min.)
Jehová Diosajj oracionanakas istʼiwa jaysarakistuwa (Sl 66:19; w23.05 pág. 12 párr. 15).
Jehová Diosajj jan arjjatirinïpki ukanakat janiw armaskiti, yanaptʼiwa (Sl 68:5; w10-S 1/12 pág. 23 párr. 6; w09 7/1 pág. 31 párr. 1).
Jehová Diosajj sapüruw yanaptʼistu (Sl 68:19; w23.01 pág. 19 párr. 17).
LUPʼIÑATAKI: ¿Qʼepinakas Jehová Diosan amparapar jaytañatakejj kunsa lurañasa?
2. Suma yatichäwinak Bibliat thaqapjjañäni
(10 min.)
Sl 68:18. ¿Nayra Israel markan khiti chachanakas ‘mä regalor uñtatäna’? (w06-S 1/6 pág. 10 párr. 4).
Jichha semanan Bibliat liytʼasiwayki ukanjja ¿kuna suma yatichäwinaksa jikjjatta?
3. Biblia liyiñataki
(4 min.) Sl 66:1-20 (th lección 11).
4. Kunjamsa parlañ qalltasma
(3 min.) UTAT UTA. Utanejj yaqha markatawa (lmd 5 yatichäwi, punto 3)
5. Revisitanak luram
(4 min.) UTAT UTA. Pasïrin mä tratado jaytawaykta uka tratadot utanimp yatjjatasipkakim (lmd 9 yatichäwi, punto 3).
6. Jesusan discipulopäpjjañapatak yanaptʼam
Canción 102
7. Maynin qʼepipajj jan sinti jathïñapatak yanaptʼam
(15 min.) Tantachasirinakaruw jisktʼäta.
Jehová Diosan mä serviripajj jan waltʼäwin uñjasisajj janiw sapapaki tʼaqesiñapäkiti (2Cr 20:15; Sl 127:1). Jehová Diosajj janipuniw sapak jaytjkistaniti (Is 41:10). ¿Kunjamsa yanaptʼistu? Jupajj Arup toqe, markap toqew irpistu (Is 48:17). Espíritu santopwa churarakistu (Lu 11:13). Janiw ukakïkiti, jilat kullakanakasaruw jiwasar chʼamañchtʼapjjañapataki, kunantï yanaptʼa munktan ukan yanaptʼapjjañapatak chʼamañchi (2Co 7:6). Mä arunjja, Jehová Diosajj mä jilatana jan ukajj mä kullakan qʼepip phisnaptayañatakejj jiwasanakat maynimpiw yanaptʼayistaspa.
Jehová Diosan servirinakaparojj munasiñamp uñjaskakiñäni: Jilïr jilat kullakanakaru sat VIDEO uñtayäta. Ukat akham sasaw jisktʼäta:
¿Kunjamsa jilïri mä jilatana jan ukajj mä kullakan qʼepip phisnaptayañatakejj yanaptʼasma?
Jehová Diosan servirinakaparojj munasiñamp uñjaskakiñäni: Diosar sapürunjam servir jilat kullakanakaru sat VIDEO uñtayäta. Ukat akham sasaw jisktʼäta:
¿Kunjamsa Diosar sapürunjam servir mä jilatana jan ukajj mä kullakan qʼepip phisnaptayañatakejj yanaptʼasma?
Jehová Diosan servirinakaparojj munasiñamp uñjaskakiñäni: Yaqha markat jutirinakaru sat VIDEO uñtayäta. Ukat akham sasaw jisktʼäta:
¿Kunayman jan waltʼäwinakan uñjasipki ukanakarojj kunjamsa qʼepip phisnaptayañatakejj yanaptʼasma?
8. Congregacionan Bibliat yatjjatañataki
(30 min.) bt cap. 13 párrs. 1-7, sección 5 ukan qalltapa ukat 117 paginankir recuadrompi.