18-24 DE NOVIEMBRE
SALMOS 107, 108
Canción 7, oración | Qalltañatak mä qhawqha arunaka (1 min.)
1. “Jehová Diosar yuspärapjjam, kuna laykutejj jupajj suma Diosawa”
(10 min.)
Kunjamtï Jehová Diosajj Israel markar Babiloniat salvkänjja, ukhamarakiw jiwasarojj Supayan mundopat salvistu (Sl 107:1, 2; Col 1:13, 14).
Jehová Diosar wal yuspäratasatwa congregación taypin jachʼañchañ muntanjja (Sl 107:31, 32; w07-S 15/4 pág. 20 párr. 2).
Yuspärasir chuymanïñatakejj kunjamsa Jehová Diosajj munasiñap uñachtʼayistu uka toqet lupʼiñasawa (Sl 107:43; w15 1/15 pág. 9 párr. 4).
2. Suma yatichäwinak Bibliat thaqapjjañäni
(10 min.)
Sl 108:9. Moab oraqejj Diosan ‘jarisiñ fuentepawa’ sasaw Davidajj säna ¿uka arunakajj kamsañsa muni? (it-2-S pág. 409 párr. 6).
Jichha semanan Bibliat liytʼasiwayki ukanjja ¿kuna suma yatichäwinaksa jikjjatta?
3. Biblia liyiñataki
(4 min.) Sl 107:1-28 (th lección 5).
4. Kunjamsa parlañ qalltasma
(3 min.) TAQE CHEQANAKAN PREDICAÑA. (lmd 1 yatichäwi, punto 4).
5. Revisitanak luram
(4 min.) TAQE CHEQANAKAN PREDICAÑA. Kunjamsa Bibliat yatichasi ukwa qhanañchtʼäta, ukat Gratisak Bibliat yatichayasim sat tarjetwa churarakïta (lmd 9 yatichäwi, punto 3).
6. Discurso
(5 min.) ijwyp-S 90. Título: Aynachtʼayir amuyunakampi jan apayasiñatakejj ¿kuns lurirista? (th lección 14).
Canción 46
7. Jehová Diosar yuspärañatakiw canttanjja
(15 min.) Tantachasirinakaruw jisktʼäta.
Israelitanakar egipcionakajj arktapjjäna ukhajja, israelitanakajj wal ajjsarayasipjjäna, ukampis Jehová Diosaw Mar Rojo qotan salväna, uka pasatatjja Diosar yuspärañatakejj taqe chuymaw mä canción cantapjjarakïna (Éx 15:1-19). Chachanakaw uka machaq canción cantañ qalltapjjäna (Éx 15:21). Jesusasa, nayra maranakan jakasir cristianonakas Jehová Diosar jachʼañchañatakejj cantapjjarakirïnwa (Mt 26:30; Col 3:16). Jichhürunakanjja qhawqsa Jehová Diosar yuspärtan uk uñachtʼayañatakejj reunionanakansa, asambleanakansa cantaskaktanwa. Amuytʼañataki Jehová Dios, wal yuspärapjjsma sat canción cantawayktan uka cancionjja, 1966 marat jichhakamaw cantasktanjja.
Yaqhep lugaranakanjja, chachanakajj walja jaqenak nayraqatan cantañ phenqʼasipjjaspawa. Yaqhepanakasti ‘janiw suma arunïktiʼ sasaw cantañ jan munapkiti. Ukampis reunionanakan cantañajj Jehová Diosar adorañampi sasiwa, uk janiw armañasäkiti. Jehová Diosan markapajj suma cancionanak waktʼayañatakisa lurtʼañatakis wal chʼamachasi, ukat kuna cancionanakas sapa reunionan cantasini ukjja sumwa ajlltʼapjjaraki. Jiwasarojj alajjpachankir Awkisar taqeni mayachtʼat cantañakiw waktʼistu, ukhamatwa yuspärasiritassa munasiritassa uñachtʼayañäni.
Nayra maranakat jichhürkama: Jehová Diosar jachʼañchir cancionanaka (parte 2) sat VIDEO uñtayäta. Ukat akham sasaw jisktʼäta:
¿Kunas 1944 maran pasäna?
¿Kunjamsa Siberia markankir jilat kullakanakasajj Reinon cancionanakap cantañ wali valoranit uñjapjjatap uñachtʼayapjjäna?
¿Kunatsa Jehová Diosan Testigonakapatakejj Diosar cantañajj wali importantejja?
8. Congregacionan Bibliat yatjjatañataki
(30 min.) bt cap. 18 párrs. 6-15.