30 DE DICIEMBRE DE 2024 A 5 DE ENERO DE 2025
SALMOS 120-126
Canción 144, oración | Qalltañatak mä qhawqha arunaka (1 min.)
Babiloniat kuttʼanir Israelitanakajj kusisiñampiw cosecha apthapisipki, kuna laykutejj Jehová Diosaw chʼama tukuñ trabajoparojj bendisi.
1. Jachtʼasisaw jathanak phawapjjäna, ukampis kusisitaw cosecha apthapipjjäna
(10 min.)
Israelitanakajj Babiloniat antutatäjjapjjäna ukhajja wali kusisitapjjänwa, kuna laykutejj ukhamatwa Dios saparuk adorjjapjjäna (Sl 126:1-3).
Judea markar kuttʼirinakajj inas jachapjjchïna, kuna laykutejj chʼama tukuñ trabajonakwa trabajipjjañapäna (Sl 126:5; w04-S 1/6 pág. 16 párr. 10).
Jan qarjtas phawasipkakitapatjja, bendicionanakwa katoqapjjäna (Sl 126:6; w21.11 pág. 24 párr. 17; w01-S 15/7 págs. 18, 19 párrs. 13, 14; nayrïr paginankir dibujo uñjjattʼäta).
LUPʼIÑATAKI: Jehová Diosajj aka jan wali mundot Armagedonan salvistani uka qhepat taqe kunas wasitat lurasjjani ukhajja, ¿kuna chʼama tukuñ trabajonakas utjani? ¿Kuna bendicionanaks katoqañäni?
2. Suma yatichäwinak Bibliat thaqapjjañäni
(10 min.)
Sl 124:2-5. ¿Jehová Diosajj Israelitanakarjamarakit jañchi toqet jarkʼaqestani? (cl pág. 73 párr. 15).
Jichha semanan Bibliat liytʼasiwayki ukanjja ¿kuna suma yatichäwinaksa jikjjatta?
3. Biblia liyiñataki
(4 min.) Sl 124:1-126:6 (th lección 5).
4. Kunjamsa parlañ qalltasma
(3 min.) CARRITOMP PREDICAÑA. (lmd 3 yatichäwi, punto 5).
5. Revisitanak luram
(4 min.) UTAT UTA. Pasïrinjja Bibliajj confiykañati janicha uka toqet janiw sum amuykti sasaw utanejj sistamjja (lmd 9 yatichäwi, punto 5).
6. Jesusan discipulopäpjjañapatak yanaptʼam
Canción 155
7. Diosan promesanakapat lupʼisajj kusisipjjañäni
(15 min.) Tantachasirinakaruw jisktʼäta.
Babiloniar apat uñjasipkäna uka israelitanakarojj kuntï Jehová Diosajj siskäna uka promesjja phoqänwa. Jan walinakatsa salvänwa, Diosar serviñ toqensa yanaptʼarakïnwa (Is 33:24). Israelitanakajj walja tiempo oraqepan jan jakasjjapjjäna ukhajja, leonanakasa salvaje animalanakas waljaw mirantäna. Ukampis kuttʼanjjapjjäna ukhajja, uywanakaparusa jupanakarus Jehová Diosaw uka ajjsarkañ animalanakat jarkʼaqäna (Is 65:25). Pachpa utanakapan wali kusisit jakasiñsa, ukat jupanakan yapuchat yapunakapat manqʼasiñsa puedjjapjjänwa (Is 65:21). Jehová Diosajj wali chʼama trabajipjjataparojj bendisïnwa, ukat walja maranakaw jakapjjarakïna (Is 65:22, 23).
Catarata: Maridav/stock.adobe.com; montañas: AndreyArmyagov/stock.adobe.com
Diosan sumankañapajj kusisiñwa churistu (fragmento) sat VIDEO uñtayäta. Ukat akham sasaw jisktʼäta:
¿Kunjamsa uka profecianakajj jichhürunakan phoqasiski?
¿Kunjamas machaq oraqen Diosan promesanakapajj taqpach phoqasini?
¿Kawkïr promesap phoqasiñapsa jumajj wal suyta?
8. Congregacionan Bibliat yatjjatañataki
(30 min.) bt cap. 20 párrs. 8-12 ukat 183 paginankir recuadrompi.