19-25 DE ENERO
ISAÍAS 24-27
Canción 159, oración | Qalltañatak mä qhawqha arunaka (1 min.)
1. “¡Jupaw jiwasan Diosasajja!”
(10 min.)
Jehová Diosar jachʼañchañatakejj walja razonanakaw utjistu (Is 25:9; cl pág. 16 párr. 21).
Jehová Diosajj paraison walja sumanak churistani, kunayman walja suma manqʼanaks churarakistaniwa (Is 25:6; w24.12 pág. 6 párr. 14).
Wiñay jakañwa churistani (Is 25:7, 8; w25.01 págs. 28, 29 párrs. 11, 12).
AKHAM JISKTʼASIM: “¿Kuna suytʼäwtï Jehová Diosajj churkistu uka toqet khitirus aka semanajj parliristjja?”.
2. Suma yatichäwinak Bibliat thaqapjjañäni
(10 min.)
Is 24:2. ¿Kunas Machaq Mundon Jakirinakataki Bibliat sum qhansti? (w15 12/15 págs. 15, 17).
Jichha semanan Bibliat liytʼasiwayki ukanjja ¿kuna suma yatichäwinaksa jikjjatta?
3. Biblia liyiñataki
(4 min.) Is 25:1-9 (th lección 10).
4. Kunjamsa parlañ qalltasma
(3 min.) CARRITOMPI JAN UKAJJ WALJA JAQENAKAJJ UTJKI UKA CHEQANAKAN PREDICAÑA. Kuna toqetsa yatiñ munaspa uk amuytʼam ukat Internetar mantañapatakiw jw.org cheq uñachtʼayäta (lmd 1 yatichäwi, punto 3).
5. Revisitanak luram
(4 min.) UTAT UTA. “Biblian cheqa yatichäwinakap yatichañajj wal gustistu” sat apendicen utjki ukan mä yatichäwipatwa parltʼäta, ukajj Jaqenakar munasiña sat folleton apéndice A ukan yatichaski ukarjamäñapawa (lmd 9 yatichäwi, punto 4).
6. Kunanakarutï creykta uk qhanañchtʼam
(5 min.) Demostración. ijwbq-S artículo 160. Tema: ¿Kunatsa Jesusajj Diosan yoqapa sasin uñtʼatajja? (th lección 3).
Canción 144
7. Doctoramp uñjayasiñatak jan ukajj operayasiñatak wakichtʼatäñasawa ukat Jehová Diosar confiyañasarakiwa
(15 min.) Tantachasirinakaruw jisktʼäta.
Khitinakatï Jehová Diosar ‘confiyapki ukanakarojj jarkʼaqewa’ (Isaías 26:3 liytʼäta). Mä akatjamat usuntañäni jan ukajj kuna jan walinakansa uñjasiñäni ukhajj kuns lursna ukatakejj Jehová Diosajj walja yanaptʼanakwa churistu. Uka yanaptʼanakarjamatï lurañänejja, Diosar confiyataswa uñachtʼayaskañäni.
¿Operayasiñatakisa jan ukajj doctoramp qollayasiñatakis wakichtʼatäjjtati? sat VIDEO uñtayäta. Ukat akham sasaw jisktʼäta:
¿Kuna kimsa yanaptʼanakas doctoramp qollayasiñatak wakichtʼatäñatakejj yanaptʼistaspa?
¿Doctoranakamp qollayasiñatak utjkistu uka formularionakajj kunjamsa yanaptʼistaspa?a
¿Kunapachas Comité de Enlace con los Hospitales ukampejj parltʼsna?
Kunapachatï Jehová Diosajj taqe uka yanaptʼanak munasiñat churistu ukhajj ¿kunjamas jikjjatastanjja?
Isaías 26:3 textorjamajja, Jehová Diosajj ‘sumankañwa churapjjäma’ sasaw arsuwayi, ukampis ukajj janiw usuntjjañäniti sañ janiw munkiti. Ukhamajj ¿kunjamsa uka arunakajj yanaptʼistu? Markap toqew kuntï necesitktan ukanak churistu, ukhamat sumaki, seguro jikjjatasiñasataki.
8. Congregacionan Bibliat yatjjatañataki
(30 min.) lfb 54, 55 leccionanaka.
Tukuyañatak mä qhawqha arunaka (3 min.) | , oración
a Wakiskani ukhajja, aka formularionakwa ancianonakar mayipjjasma: Aka qellqatajj usuri warminakatakiwa (S-401), Información para pacientes que necesitan una intervención quirúrgica o quimioterapia (S-407) jan ukajj Información para padres cuyos hijos necesitan tratamiento médico (S-55).