Yatiyañataki, Jehová Diosan Reinopat yatiyaski (congregacionan yatjjatañataki) 2024

w24 septiembre págs. 1-32

Jesusajj alajjpachan tronopan qontʼataw pä kasta jaqenakar uñchʼukisinki. Kunjamsa jilat kullakanakajj Jehová Diosar servisipki ukaw moroqtʼayat fotonakan uñjasiraki. 1. Mä kullakajj tabletap kattʼataw alajjpach uñtaski. 2. Mä chacha warmiw Biblia liytʼasipki. 3. Jilat kullakanakaw mä Salón del Reino construccionan trabajisipki. 4. Mä jilataw carcelan llawintat orasiski. 5. Mä jilïr kullakaw tantachäwin mä comentario arstʼaski. 6. Mä kullakaw hospitalan mä ikiñankaski, mä enfermeraruw mä tratado churaskaraki. 7. Mä jilatajj esposapampi jiskʼa yoqall wawapampiw Bibliat yatjjataski. Yaqha moroqtʼayat fotonakanjja, walja chacha warminakaw kunanakatï Bibliarjamajj jan walïki ukanak lurasipki. 1. Mä chachaw mä anatañ utan orasiski. 2. Mä chachaw warmipar nuwjaski. 3. Colerat jaqenakaw protestasipki. 4. Mä chachaw estacionamienton pistolap apsusiski, mä warmiruw arktaskaraki. 5. Mä religionan pʼeqtʼiripaw soldadonakatak oraski. 6. Mä warmiw drogamp qolljasiski.

Congregacionan yatjjatañataki

SEPTIEMBRE DE 2024

YATICHÄWINAKAJJ AKA URUNAKANWA YATJJATASISKANI: 11 DE NOVIEMBRE AL 8 DE DICIEMBRE DE 2024

Aka qellqatajj oraqpachan Bibliat yatichañataki luratawa, uka yatichäwejja yanaptʼañ munirinakan donacionanakapampiw apasi, janiw aljasiñapäkiti. Donacionampi yanaptʼañ munsta ukhajja, Internetan donate.jw.org sat cheqaruw mantasma.

Textonakajja Biblia Aymara. Machaq Mundon Jakirinakataki Bibliat apstʼatawa. Jan ukhamäkanejja qhanañchasiniwa.