Yateqañ amtamp yatjjatam

Bibliat janïr yatjjatkasajj inas akham sasin jisktʼaschisma: “¿Kunsa yateqäjja?” sasa. Ukhamäkchisa, Jehová Diosajj kun yateqañassa muni uk amuyañatakiw Bibliat yatjjatañasa. ¿Kunjamsa uk lursna?

Jehová Diosaruw yatiñ mayiñama. Janiw kuntï yatkta ukampikejj conformasiñamäkiti (Prov. 3:5, 6). Kunsa jichhajj yateqañam muni uk amuyañatakejja, Jehová Diosaruw yanaptʼa mayiñama (Sant. 1:5).

Diosan Arupamp yanaptʼayasim. “Diosan arupajj jakkiriwa” (Heb. 4:12). Sapa kuti Biblia liytʼañajja, jan yatkayätan ukwa yatichistaspa, kunayman toqetwa yanaptʼarakistaspa, ukampis ukatakejj yateqañ amtampiw liytʼañasa.

Jehová Diosan yatichäwinakapat yuspäram. Diosan arunakapajj “suma manqʼanakampi” sasiwa (Is. 25:6). “Janiw aka ‘manqʼanak’ disfrutkäti” sasakejj jan yaqhep yatichäwinak maysar apanukumti. Antisas uka ‘manqʼanakajja’, jan ukajj yatichäwinakajja, wal yanaptʼätam, sumarakïniwa.