¿Akanak jisktʼasirïtati?

• Niyakejjay taqenis sumankañan jakasiñ munstanjja, ¿kunatsa oraqpachan guerranakajj utjaskaki?

• ¿Jan walinakamp phoqantat aka oraqenjja, cheqpach sumankañajj utjaspati?

• ¿Mä urojj guerranakajj tukusjjpachäniti?

Kuntï Bibliajj uka toqenakat qhanañchki ukajj inas jumatak jan creyiñjamäkchiniti, ukampis jan llakisiñataki sumak jikjjatasiñatakiw yanaptʼätam.

Uka toqenakat Bibliajj kamsisa, uk yatjjatañamatakiw chʼamañchtʼapjjsma. Yatiyañataki aka revistanwa uka toqet jukʼamp yatjjatäta.