BIBLIAT YATJJATASAW NAYRA JAKÄWINAKAP JAYTAWAYAPJJE

Jupanakajj “wali valorani mä perla” jikjjatapjjäna

Aka oraqen kuna jan walinakatï utjki ukanakjja, Diosan Reinopaw chhaqtayani sasaw Jesusajj yatichäna (Mateo 6:10). Diosan Reinopat kunatï cheqäki uk yatiñajj qhawqha valoranisa uk uñachtʼayañatakejja, Mateo 13:44-46 textorjamajj aka pä uñachtʼäwitwa Jesusajj parläna:

Jesusajj parlkäna uka uñachtʼäwinjja akanakaw uñjasi: 1) Mä jaqejja trabajkasajj kuntï jikjjatki uk uñjasajj walpun musparaski. 2) Mayni jaqesti wali valorani mä perla kattʼasajj walpun kusisiski.

Mä jaqejja trabajkasajj akatjamatwa oraqer imantat qori jikjjatäna.
Mä comerciante jaqejja suma perlanak thaqkasajj wali valorani mä perla jikjjatäna.

Kunatï wali valoranïki uk jikjjatañatakejja, panpachaniw kunanakapatï utjkäna ukanak taqpach aljir sarapjjäna. Uka pä jaqenakajj Diosan Reinopar wali valoranit uñjapki uka jaqenakamp sasiwa, jupanakajj Diosan Reinopan bendicionanakap katoqañatakejj kunayman sacrificionak lurapjje (Lucas 18:29, 30). Uñtkäta uk videonjja, kunjamsa mä warmimpi mä chachampejj Jesusajj parlkäna uka jaqenakat yateqasisajj chʼamachasipjjaraki ukwa uñjäta.