Familianakatak jukʼamp yanaptʼanaka

BIBLIAJJ WALI SUMA EWJJTʼANAKANIWA, ukajj casarat chacha warminakaru, awk taykanakaru, wayn tawaqonakaruw yanaptʼaspa. Biblian ewjjtʼanakapajj sum amuytʼasiñataki, suma amtanakar puriñatakiw yanaptʼistu (Proverbios 1:1-4).

BIBLIAJJ AKA JISKTʼANAKARUW QHANAÑCHARAKI:

• ¿Kuna amtamp luratätansa?

• ¿Diosat tʼaqesiñanakat juchanïpacha?

• ¿Maynejj jiwjje ukhajj kunas paspacha?

Bibliajj kunjamsa uka jisktʼanakarusa, yaqha jisktʼanakarus qhanañchi uk juma pachpa yatjjatañamatakiw chʼamañchtʼapjjsma. ¿Kunatsa Bibliat yatjjatañama? sat video uñtasma. Ukatakejja, Internetan jw.org cheqaruw mantasma.