16 Yatichäwi

Diosar yupaychañaxa jumatäxiwa

¿Diosan munasitapäñatakix kun lurañamasa? (1, 2)

¿Kunjamsa Diosarux katuyasisma? (1)

¿Kunapachas bautisasiñama? (2)

¿Diosat jan jithiqtasa sarnaqañamatakixa kunjamsa chʼamañchasisma? (3)

1. Diosan munasitapäñatakixa, kunatï chiqäki uk Bibliat sum yatiqañamawa (1 Timoteo 2:3, 4), ukat kuntï yatiqkta ukar iyawsañamarakiwa (Hebreos 11:6), ukatxa juchanakat arrepentisiñamarakiwa (Hechos 17:30, 31), ukatsti nayra jan wali luräwinakxa apanukxañamawa (Hechos 3:19). Ukat Diosar munasitam laykuxa Juparu katuyasxañamawa. Juman munañama lurañatakiwa katuyasxsma sasa Diosaru sapaki mayisiñamawa, ukaw Diosar katuyasiñaxa (Mateo 16:24; 22:37).

2. Diosan Arupata sum yatiqxsta ukat Diosar katuyasxaraksta ukhaxa bautisasxañamawa (Mateo 28:19, 20). Bautisasisaxa Jehová Diosar katuyasxatamwa uñachtʼaytaxa. Ukhamaxa khitinakatï amuyunïxapxi ukanakakiwa bautisasipxaspaxa. Kunapachatï maynixa bautisaski ukhaxa umaru chhaqantañapawaa (Marcos 1:9, 10; Hechos 8:36).

3. Diosaru katuyasxta ukhaxa, kuntï siskta ukarjam sarnaqañamwa Diosax muni (Salmo 50:14; Eclesiastés 5:4, 5). Supayaxa janiw Jehová Diosar yupaychayañ munkätamti (1 Pedro 5:8). Ukampisa, Diosat mayisiñamapuniwa (Filipenses 4:6, 7). Sapüruwa Diosan Arupat yatiqañama (Salmo 1:1-3). Tamat janiw jithiqtañamati (Hebreos 13:17). Ukanak lurasaxa Diosat jan jithiqtañatakiwa chʼam jikxatäta. Kuntï Diosax mayktam ukxa wiñayatakiw lurasma.

[Qhanañchäwi]