75 qʼuchu
¿Kunatsa kusisitätan?
1. Waljaw kusisiñax utjistu,
jukʼampis jilxattaskakiw:
Diosan munatanakapasti
taqiwjan apthapisiskix.
Diosan Arupat yatiñawa
ukham kusisiyapxistux.
Ukham sum yatxatatasatwa
istʼasax iyawsaraktan.
Ninar uñtataw chuymasanxa
kusisiñax utjarakix.
Jan waltʼäwin uñjasiñänix,
Jehová Diosaw yanapistan.
(KUTXATAÑATAKI)
Jumar uñtʼasaxa,
Jehová, walpun kusisipxta.
Amuyumasti, Diosay, wali muspkañaw
chʼamanirakïtaw, Jehová.
2. Diosan luratanakapasti
wali muspharkañapuniw.
Taqi luratap uñjasasti
Diosaruw jachʼañcharaktan.
Jichhax Diosasan Reinopatxa
kusisitaw yatiyapxtan.
“Waljaw bendicionax utjani”
sasaw yatiyapxaraktan.
Wiñay kusisiñax jakʼankiw
niyaw purinirakinix.
Machaq uraqis alaxpachas
niyaw phuqasirakinix.
(KUTXATAÑATAKI)
Jumar uñtʼasaxa,
Jehová, walpun kusisipxta.
Amuyumasti, Diosay, wali muspkañaw
chʼamanirakïtaw, Jehová.
(Uñxattʼarakismawa Deu. 16:15; Isa. 12:6; Juan 15:11.)