Jehová Diosan qullan qulluparu jutapxam

1. Wali jachʼapuniw

Diosan jachʼa qullupax.

Taqi markanakatwa

makatapxarakix.

“Alaxpach Diosarux

yupaychañasapuniw”,

ukham yatiyasaw

taqinis jutasipkix.

Purinxiw horasax,

jachʼaruw jiskʼa markas tukux,

nayraruw sartasktanx,

Dios Awkiw bendicirakistux.

Walja jaqinakaw

Dios tuqit saytʼasipkix.

“Wiñay luqtañasaw”

sasaw chuymat amtapxix.

2. Criston kamachipaw,

yatiyir sarañasaw.

Reinon suma yatiyäwipx

yatipxañapaw.

Cristow niy apnaqxix

jupat saytʼasiñasaw.

¡Llampʼu chuymaninaka,

istʼasirïñasaw!

Jukʼampiw jiltaskix,

kusiskañarakiw uñjañas.

Taqiniw yanaptanx

Diosar uñtʼapxañapatakix.

Jachʼat artʼañasaw,

taqinir jawsañasaw:

“¡Jutam!, aka qullun

wiñay jakasiñasaw”.