Babel markankir torre

Uma Juicio pasatatjja, Noé chachan yoqanakapajj walja wawanakanïpjjänwa. Familianakapajj waljäjjänwa, ukatwa kunjamtï Jehová Diosajj maykäna ukarjamajj taqe cheqar jakir sarjjapjjäna.

Yaqhep familianakajj janiw Diosar istʼapkänti, akham sapjjarakïnwa: ‘Akaruki quedasiñäni, alajjpachkam purir mä jachʼa torreni mä marka lurasirakiñäni, ukhamatwa wali uñtʼatäñäni’ sasa.

Jehová Diosarojj janiw ukham lurapjjañapajj gustkänti, ukatwa jan lurapjjañapatak jarktʼäna. ¿Kunjamsa jarktʼäna uk yattati? Mä akatjamatwa kunayman arunak taqenejj parljjapjjäna. Uka markarojj Babel sasaw jaqenakajj sutiyapjjäna, uka sutejj “mayjtʼayaña” sañ muni. Janiw jupanakkamajj entiendesjjapjjänti, ukatwa uka torre lurañ jaytjjasajj yaqha cheqanakar jakir sarjjapjjäna. Uka cheqanakansa jan walinak lurasipkakïnwa. Ukampis ¿Diosar munasirejj maynis utjaskpachänti? Ukwa jutïr yatichäwin yateqañäni.