Jehová Diosajj markapar tantachthapiñwa arsu | Kunjamsa Diosaruk adorasjjani uk qhanañchir profecianaka

Israel markajj qʼala aynachtʼatänwa, markan apostasía utjatapaw mayachtʼat sarnaqañ chhaqtayäna. Jan walinak lurapjjatapatwa markankirinakajj jan walinakan uñjasipjjäna, janiw Jehová Diosarojj sum adorjjapjjänti, sutipsa jiskʼachapjjarakïnwa. Ukham jan wali tiemponwa Diosajj Ezequiel taypejj suma profecianak arsüna, ukajj jutïr urunak suytʼañatakiw yanaptʼäna. Diosajj musparkañ uñachtʼäwinakampi visionanakampwa uka profecianak qhanañchäna, ukajj janiw jaya markanakar apata israelitanakaruk chuymachtʼkänti, kunjamsa Diosaruk adorasjjani uk suytʼirinakarus chuymachtʼarakistuwa.