Ezequielan profecianakap amuytʼañatak yanaptʼanaka

KUNAS MÄ PROFECIAJJA

Biblianjja hebreo arun navá arojj “profecianak arsuña” sañ muni, mä arunjja Diosan yatiyäwinakapa, mä juchañchäwi, sum sarnaqañatak yatichäwi jan ukajj Diosan mandamientonakap yatiyaña sañ muni. Ukatsti kunatï jutïrin paskani ukanak Diosajj arski uk yatiyaña sañ munaraki. Ezequielan profecianakapajj taqe ukanakwa qhanañchi (Ezeq. 3:10, 11; 11:4-8; 14:6, 7; 37:9, 10; 38:1-4).

KUNJAMSA YATIYASÏNA

• 

  VISIONANAKA

• 

  EJEMPLONAKA

• 

  DEMOSTRACIONANAKA

Ezequiel libronjja visionanaka, ejemplonaka, parabolanaka, demostracionanakaw utji.

KUNJAMSA PHOQASÏNA

Ezequiel libronkir yaqhep profecianakajj janiw mä kutik phoqaskänti. Sañäni, Diosarukiw adorasjjani siski uka profecianakajja, Diosan markapajj Suma Oraqer kuttʼjjäna ukhaw mä qhawqhajj phoqasïna. Kunjamtï 9 yatichäwin qhanañchaskejja, Diosarukiw adorasjjani siski uka profecianakat waljajj jichha tiemponwa phoqasiski, jutïrinsti mayampiw phoqasirakini.

Ezequielan profecianakapat yaqhepajja, mä profeciajj kunamp sasisa (tipos y antitipos) uk amuytʼañatakiw nayrajj apnaqasirïna. Uka toqet Biblian jan qhanañchaskchi ukhajja, mä profeciajj khitimp sasisa, kunamp sasisa, kuna lugarampi sasisa jan ukajj kunatï paskäna ukajj kunamp sasisa uk janiw aka libron qhanañchkiti.a Jan ukasti kunjamsa Ezequielan walja profecianakapajj jukʼamp phoqasi ukwa qhanañchi. Ukatsti Ezequielan profecianakapatsa, uka tiempon jakir jaqenakatsa, lugaranakatsa, kunatï paskäna ukanakatsa kunanaksa yateqsna ukwa qhanañcharaki.