LECCIÓN 19
Chuymar purtʼaña
Proverbios 3:1
¿KUNSA LURAÑAMA? Kuntï yateqapki uk wali valoranit uñjapjjañapataki, ukat ukarjam sarnaqapjjañapatakiw istʼirinakar yanaptʼañama.
¿KUNJAMSA UK LURASMA?
Jupanakpachpa amuytʼasipjjañapatak istʼirinakar yanaptʼam. Kunjamäsipkisa uk jupanakpachpa amuytʼasipjjañapatakejja, istʼirinakarojj jisktʼañamawa.
Kunatï walïki uk lurapjjañapatak chʼamañchtʼam. Kunatsa kunatï walïki uk lurapjje, uka toqet lupʼipjjañapatakiw istʼirinakar yanaptʼañama. Jupanakajja, Jehová Diosaru, jaqe masiparu, Biblian yatichäwinakapar munasipjjatapatwa kunatï walïki uk lurapjjañapa. Ewjjsuñat sipansa, istʼirinakarojj amuytʼayañamawa. Arstʼañ tukuyjjäta ukhajja, istʼirinakajj janiw chuyma ustʼatäpjjañapäkiti, jan ukasti chʼamañchtʼatäpjjañapawa.
Kuntï Diosajj amuyki uk yaticham. “Biblian suma yatichäwinakapasa, leyinakapasa, Jehová Diosar uñtʼañataki ukat qhawqsa Jupajj munasistu uk yatiñatakiw yanaptʼistu” sasaw istʼirinakar amuytʼayañama. Ukatjja, kuntï Jehová Diosajj munki uk lurapjjañapatakiw istʼirinakar yanaptʼañama.