¡Wiñayatakiw kusisit jakasisma! sat librompejj kunjamsa jaqenakar Bibliat yatichsna

Janïr yatichir sarkasina

1. 

   1. Sum wakichtʼasim. Yateqerimajj kunanakan yanaptʼatäñsa muni, kunjamas jikjjatasi, kunanakarus creyi ukanakat amuytʼam. ¿Kun amuyañas jupatak chʼamäspa, jan ukajj kuntï yateqki ukanakat kun lurañas chʼamäspa? “Jukʼamp yatjjatañamataki” sat seccionan yatichäwinaka, videonakajj utjki ukanakatwa yatjjatañama, kunjamsa ukanakajj yateqerimar yanaptʼaspa ukanakatwa lupʼiñamaraki. Ukhamatwa wakisini ukhajj uka toqet yatichañatak wakichtʼatäjjäta.

Yatichkasina

1. 2. Yateqeritakitï orasiñajj walikïskchi ukhajja, qalltañatakisa, tukuyañatakis orasmawa.

2. 

   3. Janiw sinti parlañamäkiti. Kuna yatichäwittï yateqasipkta uka toqetakwa parlañama, yateqerirojj arstʼayañamawa.

3. 4. Yaqha sección qalltasajja, uka seccionajj kuna toqetsa parli ukwa liytʼañama, yaqhep yatichäwinakan titulonakapwa liytʼañamaraki.

4. 5. Mä sección tukuyasajja, yateqerejj kunanaktï yateqawayki uk amtañapatakejja, “Amtañataki” siski uka cheqan jisktʼanakajj utjki ukwa jisktʼañama.

5. 6. Yateqerimampi sapa yatichäwit yatjjatkasa:

   1. Parrafonak panpachan liytʼapjjam.

   2. “Liytʼasajja” siski uka textonak taqpachwa liytʼapjjäta.

   3. Wakischi ukhajja, yaqha textonakajj utjki ukanaksa liytʼapjjarakismawa.

   4. 

      “VIDEO uñtasajja” siski uka videonak taqpachwa uñtayañama (jan puediskani ukhakiw jan uñtaykasmati).

   5. Taqpach jisktʼanakwa jisktʼañama.

   6. “Jukʼamp yatjjatañäni” siski uka seccionankir dibujonakata, fotonakat yatjjatapjjam.

   7. Yateqerimajj nayrar sartaskiti janicha uk jupa pachpa amuyasiñapatakejja, “Ak lurañ amtam” sat recuadrompiw yanaptʼasisma. Mä kun lurañ amtañapatakiw chʼamañchtʼañama. Recuadron utjki ukarjamaw yateqerimajj uk amtaspa, jan ukajj yaqh lurañwa amtaspa.

   8. Bibliat yatjjatañatak wakichtʼaskasajja, ¿“Jukʼamp yatjjatañamataki” sat seccionan utjki uka yatichäwinakatsa videonakats mayas gustawaytamti? sasaw jisktʼañama.

   9. Sapa kuti yatjjatapkäta ukhajja, mä yatichäwi tukuyañatakiw chʼamachasiñama.

Yatichañ tukuyataru

1. 

   7. Yateqerimat lupʼiskakiñamawa. Yateqeriman nayrar sartañapatakejj Jehová Diosaruw yanaptʼa mayiñama, jupar yanaptʼañatak yatiña jumar churañapatakis mayisiñamarakiwa.