Watchtower INTERNETANKIR BIBLIOTECA
Watchtower
INTERNETANKIR BIBLIOTECA
Aymara
ʼ
  • kʼ
  • tʼ
  • pʼ
  • chʼ
  • qʼ
  • BIBLIA
  • QELLQATANAKA
  • TANTACHÄWINAKA
  • w13 12/1 pág. 11
  • “Uñjam, nayajj taqe kunwa machaqat lurta”

Janiw videojj utjkiti

Disculpapjjeta, janiw aka video uñjañjamäkiti

  • “Uñjam, nayajj taqe kunwa machaqat lurta”
  • Yatiyañataki, Jehová Diosan Apnaqäwipat yatiyaski 2013
  • Uka toqet jukʼamp yatjjatañataki
  • ¿Jesusan jachaqtʼasitapajj kunsa yatichistu?
    Yatiyañataki, Jehová Diosan Reinopat yatiyaski (congregacionan yatjjatañataki) 2022
  • Jehová Diosajj janiw jachaqtʼasitamat armaskiti
    Yatiyañataki, Jehová Diosan Reinopat yatiyaski (congregacionan yatjjatañataki) 2024
  • ¿Kuna bendicionanaksa Diosar istʼirinakajj katoqapjjani?
    Diosar istʼañäni ukat wiñayatakiw jakañäni
  • ¿Kunjamsa jiwañarojj atipjasini?
    Yatiyañataki, Jehová Diosan Reinopat yatiyaski (yatiyir sarañataki) 2019
Yatiyañataki, Jehová Diosan Apnaqäwipat yatiyaski 2013
w13 12/1 pág. 11

DIOSAR JAKʼACHASIPJJAM

“Uñjam, nayajj taqe kunwa machaqat lurta”

¿Jan usuntasa ukat wiñayataki familiamampi jakasiñ munasmati? ¿Tʼaqhesiña, usuyasiña ukat jiwaña chhaqtjjañap munasmati? Taqe ukanakajja, jutïr pachanwa phoqasini, kunattejj Diosaw ukanak chhaqtayañatak arsuwayi. Uka toqet Apocalipsis 21:3-5 (liytʼäta) qellqatajj kamsisa uk yatjjatañäni.

“Diosajj taqe jachanakapwa nayranakapatjja picharani.” (Apocalipsis 21:4.) ¿Kunjamsa Diosajj uk lurani? Janiw kusisiñat jachaqtʼasktan uka jachanak picharkistaniti ni nayrasar jarkʼaqki uka jachanaksa, jan ukasti llakisiñat jachktan uka jachanakwa picharistani. Mä arunjja, kunanakatï tʼaqhesiykistu ukat llakisiykistu taqe ukanakwa chhaqtayani.

“Janirakiw jiwañas, [...] utjkjjaniti.” (Apocalipsis 21:4.) Maynejj jiwjje ukhaw taqenis jachtanjja. Ukampis Jehová Diosajja, Jupar istʼapki ukanakarojj jiwañat qhespiyaniwa. ¿Kunjamsa uk lurani? Kuna juchtï Adanat katoqawaytan ukwa chhaqtayani, ukhamatwa jiwañajj jan utj-jjaniti (Romanos 5:12). Jehová Diosajj Jesusan loqtasïwip toqew jaqenakarojj jan juchan tukuyani.a Ukhamatwa jiwañajj “qʼala tʼunja[täni]” (1 Corintios 15:26). Ukatjja, kunjamtï Jehová Diosajj amtkäna ukhamwa jaqenakajj jan usuntasa ukat wiñayataki jakasipjjani.

“Ni usuyasiñasa [utj-jjaniti].” (Apocalipsis 21:4.) ¿Kuna kasta usuyasiñas jan utj-jjani? Pantjasirïtas laykojja, millón millón jaqenakaw chuymansa, amuyunsa ukat jañchi toqensa aynachtʼat jikjjatastanjja, taqe ukanakaw jan utj-jjaniti.

Jachañasa, jiwañasa ukat tʼaqhesiñas chhaqtjjaniwa, kusisitakiw jakasjjañäni. “¿Kawkinsa ukham jakasiñäni?” sasin inas jisktʼasta. “¿Alajjpachanti jakasjjañäni?” Janiwa. ¿Kunatsa ukham sistanjja? Kunattejj Diosan arsutapajj akham arunakampiw qallti: “Diosajj jichhajj jaqenak taypinwa jaki” sasa. Cheqas jaqenakajj aka Oraqenwa jakasipjje (Apocalipsis 21:3). Ukjjarusti, aka Oraqenjja ‘janiw jiwañas utj-jjaniti’ sasaw qhanañcharaki, ukhamasti jiwañajj jan mayampitakiw chhaqtayatäni. Alajjpachanjja janiw jiwañajj utjawaykiti, ukampis aka Oraqenjja, niya qalltatpachaw utjawayi. Ukhamajja, kuntï Jehová Diosajj arsuwayki ukajj aka Oraqenwa phoqasini.

Llakisiña, tʼaqhesiña utjipanwa walja jaqenakajj jachapjje, Diosajj jan mayampitakiw ukanak tukjani

Jehová Diosajj kuntï arsuwayki ukar confiyañaswa muni. Kunanaksa jutïrin lurani ukanak arsusajja, akham sänwa: “Uñjam, nayajj taqe kunwa machaqat lurta” sasa. Ukjjarusti akham sarakïnwa: “Aka arunakasti cheqapawa, katuyaskañarakiwa [jan ukajj confiykañarakiwa]” sasa (Apocalipsis 21:5). Uka arunak phoqasir walja jaqenakaw kusisita uñjapjjani, ¿jumajj familiamampi uka taypinkañ munasmati? Uka taypinkañatakejj kun lurañamas wakisispa uk yatjjatañamatakiw chʼamañchtʼapjjsma.

Aka phajjsin biblia liytʼañataki:

1 Pedro 1 jaljat Apocalipsis 22 jaljakama

a Jesusan loqtasïwipat jukʼamp yatjjatañatakejja, ¿Kunsa Bibliax chiqpachapuni yatichi? sat libron 5 jaljap uñjjattʼäta, ukajj Jehová Diosan Qhanañchirinakapan luratawa.

    Aymara qellqatanaka (2005-2025)
    Mistuñataki
    Mantañataki
    • Aymara
    • Apayañataki
    • Kunjamtï munkta ukarjam askichañataki
    • Copyright © 2025 Watch Tower Bible and Tract Society of Pennsylvania
    • Ak amtañamapuniwa
    • Aka amtanakanïpjjtwa
    • Configuración de privacidad
    • JW.ORG
    • Mantañataki
    Apayañataki