‘Uka casta jilatanakarusti munasipjjapunim’

KHÄ 1992 marat aksarojja, Oraqpachan Jilïr Irpirinakajj wali experienciani irpir chuymaninakaruw yanapirinakapat uttʼayapjje.a Uka jilatanakajj ‘yaqha uwijanaka’ taypit ajllitäpjjewa (Juan 10:16). Jupanakajja, semanan mä kutiw kawkïr comitëntï yanaptʼapki ukan tantachasipjje, ukhamat kunanaktï Jilïr Irpirinakajj yatiñ munapki ukanak yatiyañataki ukhamarak kunanak lurañasa wakisispa ukanak sañataki. Ukampis ukanakajj lurasiniti janicha ukjja Jilïr Irpirinakaw amtjjapjje, uka amtatanak phoqasiñapatakejj yanaptʼir jilatanakaw yanaptʼapjjaraki, lurañanak katoqasas taqe chuymaw phoqapjjaraki. Ukatsti Oraqpachan Jilïr Irpirinak chikaw walja markanakat tantachasipki uka jachʼa tantachäwinakarusa, asambleas especiales satäkis ukarus sarapjje. Awisajja, Brooklyn Betelat sarirjamas sucursalanak visittʼapjjarakiwa.

Mä jilatajj 1992 maratwa Oraqpachan Jilïr Irpirinakan yanapiripjam irnaqtʼaski, jupasti siwa: “Luräwinakaj taqe chuyma phoqasajja, Jilïr Irpirinakajj kuna lurañanaktï Diosat katoqapki ukanak sum phoqapjjañapatakiw yanaptʼta” sasa. 20 jila maranak yanaptʼiri mayni jilatasti sarakiwa: “Yanapirjamaw irnaqäjja sasin janipuniw amuyirïkti, cheqas Diosan bendicionapawa” sasa.

Oraqpachan Jilïr Irpirinakajja, walja luräwinakwa taqe chuyma yanaptʼiri jilatanakarojj churapjje, luratanakapsa wali askitwa uñjapjjaraki. Cheqas taqeniw ‘uka casta jilatanakarojj munasipjjañasa’ (Fili. 2:29).