Revistanakat kunjamsa parltʼasma

Yatiyañataki Junio 1

“¿Diosarux uñtʼsnati, kamsasmasa? [Kamsis uk istʼäta.] Maynir jan sum uñtʼasax janjaw jupar atinisksnati. Ukatwa, Bibliax Diosar thaqhapxañasatakix chʼamañchistu [Hechos 17:27 liytʼäta]. Aka yatichäwinakaw kunjamatsa sum uñtʼsna ukxa qhanañchistu.”

¡Despertad! Junio

“Wawanakax waynitüxasas tawaqitäxasas kunayman jan waltʼäwinakanwa uñjasipxi ukat awk taykatakix ukham chʼamarakikiwa jupanakar uñjañaxa. ¿Aka qillqatanakax awk taykanakarux kunjamsa yanaptʼaspa? [Santiago 1:19 liytʼäta ukat kamsis uk istʼäta.] Chiqpachansa, aka revistan Bibliat apstʼat suma iwxtʼanakapax jumatakix wali askïspawa.”

Yatiyañataki Julio 1

“Noé chachata ukhamaraki Uma Juiciot Biblian parlki ukxa taqiniw yatipxi. Ukampis ¿Uma Juiciox utjapunpachänti? [Kamsis uk istʼäta.] Jesusax Uma Juicio tuqitxa akham sasaw arsüna uk uñxattʼañäni [Lucas 17:26, 27 liytʼäta]. Uma Juiciot parlañax janiw kʼarïkiti, jan ukasti chiqäskapuniwa uka tuqitwa aka revistax jukʼampi qhanañchi, ukat kun yatiqasiñasas wali wakiskirïspa ukanakamp qhanañchi.”

¡Despertad! Julio

“Jaqichasitanakax jukʼampi jan waltʼäwinakanwa sapürutjam uñjasipxi, ukatxa waljanix divorciasiñaruw puripxi. ¿Aka iwxtʼatxa kamsasmasa? ¿Jaqichasitanakarux yanaptʼaspati? [Proverbios 12:18 liytʼäta. Ukat kamsis uk istʼäta.] Kunjamatsa jaqichasitanakax sum sarnaqapxaspa uka tuqitwa aka revistanxa Biblian yatichäwinakaparjamax jukʼamp qhanañchtʼi.”