Revistanakat kunjamsa parltʼasma

Yatiyañataki Enero-Marzo

“¿Jesusax kunsa infierno tuqit yatichäna? [Kamsanis uk istʼäta, ukatxa Mateo 10:28 liytʼarapïta.] Aka yatichäwinxa kunas infiernoxa ukwa Bibliat apstʼat jiskʼa tʼaqanakampi qhanañchtʼasi, ukaw uka tuqit sum amuytʼañamatakix yanaptʼätamxa.” 5 janankkis uka yatichäwi uñxattʼayäta.

¡Despertad! Enero

“Walja jaqinakaw jan waltʼäwinakan uñjasisax Diosan castigopäpachaw sasax sapxi. ¿Jumax ukham amuyarakirïtati? [Kamsanis uk istʼäta. Ukatxa Santiago 1:13 liytʼarapïta.] Khitis uka jan waltʼäwinak utjañapatak juchanïpacha, ukat kunatsa uka jan waltʼäwinakax niyaw tukusini sasax sissna, ukwa aka yatichäwix qhanañchtʼaski.” 28 janankkis uka yatichäwi uñxattʼayäta.

Yatiyañataki Enero-Marzo

“¿Kunsa chacha warmix sum jakasiñatakix phuqapxañapa? [Kamsanis uk istʼäta.] Diosan Arupax uka tuqit kamsisa uk uñxattʼañäni [Mateo 19:5 liytʼarapïta]. Aka yatichäwix Bibliat apstʼat iwxanakaniwa ukaw jaqichasitanakarux sum jakasipxañapatak yanaptʼarakispa.” 28 janankkis uka yatichäwi uñxattʼayäta.

¡Despertad! Febrero

“Taqi kunatï aka Uraqin utjki ukanakax jakäwi utjañapatak luratätap uñachtʼayi. Jumax kamsasmasa, ¿ina chʼusatakti uñstpacha Diosach lurpacha? [Kamsanis uk istʼäta.] Walja jaqinakaw Biblian jikxataski aka arunakax chiqaw sas sapxaraki [Salmo 104:24 liytʼarapïta]. Taqi kun Lurir Diosan utjatapatxa, ciencia tuqit yatxatirinakax kamsapxisa ukat Bibliax kamsarakisa, ukanakat aka revistax qhanañchtʼaski.”