Revistanakat kunjamsa parltʼasma

Yatiyañataki Octubre-Diciembre

“Taqiniw sum jakasiñ muntanxa, ¿janich ukhamäki? ¿Biblian iwxtʼanakapax janit yanaptʼkistaspa? [Kamsanis uk istʼäta.] Bibliax uka tuqit kamsis uk uñxattʼañäni [Salmo 1:1-3 liytʼarapïta]. Kunatsa Bibliat sapür liyiñax wali wakiskirïpacha ukwa aka yatichäwin qhanañchtʼasiski.” 21 janankki uka yatichäwi uñxattʼayäta.

¡Despertad! Diciembre

“Jesusan aka arunakap liytʼarapirisma [Mateo 5:3 liytʼarapïta]. ¿Uka arunakat kamsasmasa? Walja religionanakaw utji, ukampis ¿Diosampi sum apasiñatakix kawkïr religionar sarañas walikïskpachati? [Kamsanis uk istʼäta.] Bibliarjamax Diosampi sum apasiñatakix kunsa lurañasäspa ukwa aka yatichäwin qhanañchtʼasiski.” 12 janankki uka yatichäwi uñxattʼayäta.

Yatiyañataki Enero-Marzo

“¿Bibliarjamax iglesianakan yatichaski uka yatichäwinakax walikïskpachati? [Kamsanis uk istʼäta.] Bibliax kʼari yatichäwinakat amuyasipxañasatakiw iwxtʼistu [Colosenses 2:8 liytʼarapïta]. Aka revistax suxta kʼari yatichäwinakwa qhanstayi. Bibliarjamax uka yatichäwinakax janiw chiqäkiti.”

¡Despertad! Enero

“Jan wali tiemponakanwa jakastanxa, ukatwa walja jaqinakax irnaqäwinakapan walja lurañanïpxatap laykux wali qarita jikxatasipxi. Inas jumax ukham jikxatasiraksta [Kamsanis uk istʼäta]. Jichhasti Biblian mä suma iwxtʼap uñxattʼañäni [Eclesiastés 4:6 liytʼarapïta]. Kunjamsa irnaqäwirusa, familiarusa ukat samartʼañarusa wali amuyumpi uñjsna uka tuqitwa aka revistax qhanañchtʼaski. Irnaqäw thaqhasipki ukanakatakis iwxtʼanakanirakiwa.”