La Biblia: el poder que ejerce en su vida

Bibliax millón millón jaqinakaruw sum jakasipxañapatak yanaptʼawayi. ¿Biblian kawkïr iwxtʼanakapas jichhürunakan utjki uka jan waltʼäwinakar saykatañ yanaptʼistaspa? Uka tuqit yatxatañatakixa, La Biblia: libro de hechos y profecías sat DVD uñtañamatakiw chʼamañchtʼanipxsma, uka discox kimsa videonakaniwa, ukanakat payïrix akïriwa: La Biblia: el poder que ejerce en su vida. Uka video uñtasaxa, aka jisktʼanakaruw qhanañchtʼäta:

1) Uraqpachan utjki uka libronakat sipansa, Bibliaw jukʼampi sumaxa, ¿kunatsa ukham sistanxa? (Heb. 4:12.) 2) Niyakixay Bibliax jaqin sum jakasiñapatak yanaptʼchixa, ¿kunatsa jan waltʼäwinakax utjaskakpacha? 3) ¿Kuna tuqitpuns Bibliax parli? 4) Jaqichasit chacha warminakaruxa, ¿Biblian kawkïr jiskʼa tʼaqanakapas sum parltʼasipxañapataki, ukat suma chuymanïpxañapatak yanaptʼi? 5) ¿Kunjamsa jaqichasitanakax Diosan Aruparjam sarnaqasax familiapar jukʼamp kusisit jakasiñatak yanaptʼapxaspa? (Efe. 5:28, 29.) 6) Khitinakatï wawanïpki ukanakaxa, ¿kunjamsa Jehová Diosat yatiqasipxaspa? (Mar. 1:9-11.) 7) Familian Bibliat yatxatañatakixa, ¿kunjamsa awk taykanakax wawanakapan kʼuchiki ukat sum yatiqapxañapatakix wakichtʼasipxaspa? 8) Diosan Aruparjamaxa, awk taykanakax janiw Biblia mayatak wawanakapar yatichapxañapäkiti, jan ukasti ¿kunampsa churapxañaparaki? 9) Qullqi tuqit pistʼañ utjaspa ukhaxa, ukar saykatañatakix Biblian kawkïr iwxtʼapas familiar yanaptʼaspa, uk arstʼanim. 10) ¿Biblian kawkïr iwxtʼanakapas qʼum sarnaqañ tuqita, droganak tuqita, machjayir umañanak tuqita ukat llakimp jan aynachtʼañataki kʼumar jakasiñ yanaptʼistaspa? 11) ¿Biblian kawkïr arunakapas wal chuymachtʼistu? (Job 33:25; Sal. 145:16.) 12) ¿Kunjamsa jumarux Biblian yatichäwinakapax sum jakasiñamatak yanaptʼawaytamxa? 13) ¿Kunjamsa aka videompix yaqhanakar yanaptʼañ amtta?