Revistanakat kunjamsa parltʼasma

Yatiyañataki Enero-marzo

“Khitirus oración mayisiksnawa sasaw waljanix jichhürunakan sapxi. Ukampis ¿ukax chiqäpachati? [Kamsanis uk istʼäta ukat Salmo 115:4-6 liytʼarapïta.] Khitirus oración mayisiñasa ukwa aka revistan 4 janankki uka yatichäwix qhanañchtʼaski.”

¡Despertad! Marzo

Mä waynampi jan ukax tawaqumpi parltʼaskstaxa, 26 janankir yatichäw uñxattʼayäta. Ukat nayrïr jiskʼa pʼiqinchäw uñachtʼayasaxa, akham sasaw jisktʼäta: “¿Akax chiqaw sasmati jan ukax kʼariw sasmacha? [Kamsanis uk istʼäta. Ukat 2 Corintios 7:1 liytʼarapïta.] Kuntï sigarro tuqit yatiñasäki ukat kunjamsa maynix pitañ jaytxaspa ukwa akan qhanañchtʼaski”.

Yatiyañataki Abril-junio

Génesis 2:16, 17 liytʼarapïta. Ukat akham sasmawa: “Adanamp Evampin juchachasiñap Diosax yatïnwa sasaw yaqhipax sapxi; ukatï chiqäspaxa, kuntï Diosax jupanakar säna ukax kʼari chuymampis siskaspa ukhamäspänwa sasaw yaqhipax sapxaraki. Jumax ¿kamsasmasa? [Kamsanis uk istʼäta.] Diosax kuntï jutïr urut yatki uk kunjamsa apnaqi ukxa, 13 janankki uka yatichäwiw qhanañchtʼaski”.

¡Despertad! Abril

“Mä munat familias jan ukax amigos jiwxi ukhaxa, ¿jiwasatakix wali llakkañapunixaya? [Kamsanis uk istʼäta.] Ukhaman jikxatasipxi ukhaxa, aka qillqataw waljanirux chuymachtʼi [Salmo 55:22 liytʼarapïta]. Kunjamsa uka llakit mistsna ukwa walja tuqit aka revistan qhanañchtʼaski ukat kunjamsa llakinakas Diosar jaytsna uksa qhanañchtʼarakiwa.”