Yatiyañatak yanaptʼanaka

Enero phaxsin nayrïr sábado urun Bibliat yatichañ qalltañataki

“Jichha tiempon utjir jan walinakaxa, familianakar jukʼampiw jan waltʼayaski. ¿Kawkhansa familjam sum jakasiñatakix suma iwxtʼanak jikxatsna?” Kamsanis uk istʼäta. Ukxarusti, Yatiyañataki enero-marzo, 2012, revista uñxattʼayasaxa, 16 ukat 17 jananakat mä qhawqha yatxattʼapxäta, ukat Bibliat apstʼat jiskʼa tʼaqwa liytʼarapirakïta. Ukatsti ukxankki uka jisktʼar qhanañchañatakix kunürus kuttʼasma ukwa jupamp amtapxäta. Ukat revistanak jaytawayarakismawa.

Yatiyañataki Enero-marzo

“¿Kuntï lurktan uk Diosax yatiñ munpachati, sasin jisktʼasirïtati? [Kamsanis uk istʼäta.] Luratasampix kunjamsa Diosan chuymap mayjtʼaytan uk amuytʼäta [Proverbios 27:11 liytʼarapïta]. Aka revistanwa kunjamsa Diosan chuymap kusisiysna, ukat kunjamsa uk luraraksna uk qhanañchaski.”

¡Despertad! Enero

“Engañjasiñasa, qullqi chiltañasa, ukat ukham yaqha jan walinakaw negocionakan utjaski. Ukat jan engañasir jaqix janiw kunsa jikxatkaspati, sasaw yaqhipax amuyapxi. ¿Jumax kamsasmasa? [Kamsanis uk istʼäta.] Uka tuqit mä qillqatax akham siwa [Proverbios 20:17 liytʼarapïta]. Aka revistanwa kuna askinaksa honradosax jikxatsna uk qhanañchaski.”