Las maravillas de la creación revelan la gloria de Dios
Taqe kunatï aka oraqen utjki ukanak uñjasajj jaqenakajj wal muspharapjje. Ukampis taqe ukanakajj kunjamäkitï Jehová Diosajj uk qhanañchatapjja janiw amuyapkiti (Rom. 1:20). Nayra pachajja, Davitajj Diosan arunakap liyisaw Diosar sum uñtʼäna. Ukat Jupan luratanakap ‘uñjasaw’ jukʼamp jakʼachasirakïna (Sal. 8:3, 4). Las maravillas de la creación revelan la gloria de Dios sat DVD uñtañajja, jiwasanakarusa, wawanakasarusa ukat Bibliat yateqasipki ukanakarusa taqeniruw Jehová Diosar jukʼamp sum uñtʼañasataki ukat Diosamp sum apasiñatak yanaptʼistani. Ukat video uñtasinjja, aka jisktʼanakaruw qhanañchtʼasma.
1) Alajjpachasa aka Oraqes wali jachʼätapa ukat suma yäpar lurtʼatätap uñajasajja, ¿Jehová Diosar jukʼamp munasiñatakejj kunjamsa yanaptʼistu? (Isa. 40:26.) 2) Kunapachatï um sum uñjjättan ukhajja, ¿kunsa Suma Luriripat yateqsna? (Apo. 14:7.) 3) Oraqejj wali jachʼawa ukat intitsa wali jayankarakiwa ukanakajj ¿kunsa Diosan yatiñkankañapat yatichistu? 4) ¿Kuna amtamp luratas phajjsejja? (Sal. 89:37.) 5) ¿Kusisit jakasiñasatakejj kunjamsa Jehová Diosajj lurtʼawayistu? 6) ¿Kunas ADN siski ukajja? (Sal. 139:16.) 7) Diosan taqe luratanakapatjja, ¿kunansa jaqejj mayjatanjja? (Gén. 1:26.) 8) Jutïr pachanjja, ¿kunanaksa jumajj lurañ munasma?
Extras: 9) ¿Kunjamatsa kunayman coloranakajj utji? 10) ¿Kunjamsa umajj qoqa laphi puntakam puri? 11) ¿Kunjamsa umajj cuerposar yanaptʼi? 12) ¿Kunjamsa jakäwinïpki uka luratanakajj maynit maynikam yanaptʼasipjje? uk mä qhawqha uñachtʼawimp qhanañchtʼma. 13) ¿Kunjamatsa uk yatipjje? 14) ¿Ángulo áureo siski ukajj kunasa, ukat ukajj kunjamsa Diosan luratanakapanjj uñjasi?
Diosan luratanakapat sum amuyapjjañäni. “Uñtapjjam jamachʼinakajj jalaski uka” ukat “uñjapjjam kunjämtï pampan panqaranakajj jilaski uka” sasaw Jesusajj discipulonakapar säna (Mat. 6:26, 28). Ukham lurapjjañäni ukhajja, iyawsäwisajj jukʼampiw chʼamañchasini, Jehová Diosar confiyasiñsa yateqarakiñäniwa ukat Diosan yatiñ kankañapsa, chʼamapsa ukat munasiñapsa wali askiruw uñjañäni. Jan akapachan luräwinakapampi apayasiñäniti jan ukasti Jehová Diosan muspharkañ luratanakapat sum amuyañatak tiemp apstʼasiñäni. Ukat taqe ukanakajj kunsa Diosat qhanañchi uksa lupʼirakiñäni (Sal. 19:1).