Dios nos habla mediante Jeremías
1. ¿Kuna qellqatsa 2010 kimsa uru jachʼa tantachäwin katoqawaytanjja ukat ukampejj kamachañänisa?
1 “Jehová Diosat janipun jithiqtapxañäniti” sat kimsa uru jachʼa tantachäwi 2010 maranwa Jeremías sat libro wali kusisita katoqawaytanjja. Uka librojja jakäwisan kunjamsa sum sarnaqsna ukatakjam wakichtʼatawa, Jeremías ukat Lamentaciones Bibliankir libronakat apstʼatawa (Rom. 15:4). Niyakejjay Taman Bibliat Yatjjatañataki sat tantachäwin yatjjatañatak wakichtʼatächejja, ukhamajj 2012 noviembre 5 urutwa yatjjatañ qalltañäni.
2. ¿Kunatsa Jeremías librot yatjjatañasajj wali wakiskirejja?
2 Jichhürunakatakejj wali askiwa. Jeremiasarojj jan wali urunakan profecianak arsuñapaw Judá markan waktʼäna, ukat uka librjja juparakiw qellqatayna ukat sutipwa aparaki. Jupajj parlañatak janis wakichtʼatäkaspa ukham qalltanjj amuyasïna (Jer. 1:6). Ukat Anatot markachir masinakapampiw arknaqat uñjasïna, jupanakat yaqhepanakarojj uñtʼpachänwa ukat yaqhepajj inas familiaranakapächïna (Jer. 11:21, 22). Ukatwa awisajj aynachtʼat jikjjatasirïpachäna (Jer. 20:14). “Taqe akapachankir jaqenakar [...], nayar arkir tukuyapjjam” siski uka kamachir istʼkasajja, Jeremiasjamarakiw kunayman jan waltʼäwinakan uñjastanjja, ukat jupjamarakiw awisajj jikjjatastanjja (Mat. 28:19). Ukhamajj kuntï Jeremiasajj qellqkatayna ukajja kusisita jan ajjsarayasisa Diosan Arunakap yatiyañatakiw yanaptʼistani.
3. ¿Kunjam wakichtʼatasa Jeremías librojja?
3 Kumjan wakichtʼatasa aka librojja. Liytʼasiñapäki uka Bibliat apstʼat jiskʼa tʼaqanakajja, altʼayatawa. Ukat sapa yatichäw tukuyarojj maya jan ukajj pä jisktʼaw chʼiyartʼayat utjaraki, ukajj kawkïr cheqas wali wakiskiri uk qhanstayañatakiwa. Ukat ukajja, kunsa tantachasirinakajj yateqawayapjje uk amtayañatakirakiwa. Librpachanjja, kunayman fotonakaw utjaraki, ukanak uñjjattʼasajja, tantachasirinakajj wal arstʼaniñ munapjjpachäni.
4. Aka librot yatjjatkasajja, ¿kunjamatsa askinak apstʼsna?
4 Uka yatichäwinakat askinak apsuñatakejj jayäkipanwa wakichtʼasiñasa. Yatjjatkasajja kunjamsa jakäwisansa, yatiykasasa yanaptʼistaspa uk amuytʼañatakiw chʼamachasiñasa, ukat tantachäwins arstʼañasapuniwa. Jeremiasajja, Diosan yanaptʼapampejj kuna luräwtï phoqhañapäkäna ukjja, kusisitaw phoqhäna (Jer. 15:16). Aka librot yatjjatasajja, Diosan Arunakap kusisita yatiyañatak yanaptʼistaspa uk muntanjja.