“... revistanakamp yatiyañatak yanaptʼanaka”

Sapa phajjsiw kunjamsa revistanakamp yatiysna ukajj Yatiyañataki Tantachäwin qhanañchasi. Uka cheqajja, janiw revistan taqe yatichäwinakap yatjjatañatakïkiti, antisas kunjamsa revistanakamp yatiyapjjaspa uk mayn mayni arstʼapjjañapatakiwa. Uka wakichäw sarayir jilatajja, kunjamsa revistanakampi yatiysna uk mä jukʼa qhanañchtʼasaw sum qallti. Ukat tantachasirinakaruw mä yatichäwi jan ukajj walja yatichäwinakat arstʼanipjjañapatak mayi. Ukhamatwa taqenis kuna toqets yatiykasajj parltʼapjjani uk sum qellqaqtʼasipjje. Kunjamsa yatiysna uk phoqhatpach arstʼanipjjañapatak mayiñat sipansa, kuna jisktʼatsa jaqenakajj yatiñ munapjjaspa ukat Biblian kawkïr jiskʼa tʼaqapsa liytʼsna uk arstʼanipjjañapatakiw jilatajj mayi. Ukatsti, sapa revistampejj kunjamsa yatiysna uk mä demostracionamp uñachtʼayasaw tukuyjje. Ukhamajja, tantachäwir janïr jutkasinwa kunanaksa arstʼañäni uk wakichtʼasiñasa. Sum wakichtʼasiñanejja, uka wakichäwejj maynit maynikam ‘suma amuytʼayasiñasatakiw’ yanaptʼistani (Pro. 27:17).