Yatiyañatak yanaptʼanaka

Diciembre phajjsin nayrïr sábado urun Bibliat yatichañ qalltañataki

“Walja jaqenakaw Criston jutañap suyasipki. Cristotï jichpach jutaspa ukhajja, ¿kun lurañapsa munasma?” [Kamsanis uk istʼäta.] Ukjjarusti, Yatiyañataki diciembre 1 sat revistan qhep qhepa janan utjki uka yatichäwin nayrïr jisktʼapatwa yatjjattʼapjjäta, ukat Bibliat apstʼat mä jiskʼa tʼaqsa liytʼapjjarakitawa. Ukat revistanak jaytasinjja, ukjjankki uka jisktʼar qhanañchañatakejj kunürus kuttʼasma ukwa amtawayapjjäta.

Yatiyañataki Diciembre 1

“Yaqhepajj jan tiemponikiw sarnaqapjje, ukat Diosats janiw amtasjjapjjeti. ¿Jakäwisan Diosan yanaptʼapajj wakisispati? [Kamsanis uk istʼäta.] Jesusajja, Diosar thaqhasakiw kusisitässna sasaw Wali Uñtʼat Arstʼäwipan säna [Mateo 5:3 liytʼäta]. Kunatsa Diosan yanaptʼapajj wali wakiskiri ukwa aka revistajj kimsa toqet qhanañchi.”

¡Despertad! Diciembre

“Kuna yatiyäwinakatï radionsa televisionansa istʼaski ukajja, jaqen amuyunakap mayjtʼayiwa. ¿Uka yatiyäwinakajj confiykayawa sasmati? [Kamsanis uk istʼäta.] Taqe kuntï istʼktan ukanakjja, janiw jankʼak creyiñasäkiti sasaw Bibliajj ewjjtʼistu [Job 12:11 liytʼäta]. Kuntï istʼktan ukajj confiykayati janicha uk sum amuyañatakiw aka revistan mä qawqha ewjjtʼanakajj utji.”