Yatiyañatak yanaptʼanaka

Septiembre phajjsin nayrïr sábado urun Bibliat yatichañ qalltañataki

“Waljaniw angelanakan utjatap creyipjje. ¿Jumajj creyiraktati? [Kamsanis uk istʼäta.] Angelanakajj ajayüpjjewa, wali chʼamanïpjjarakiwa, ¿jupanakajj yanaptʼistaspati? Kunjamsa yanaptʼapjjestu uk Bibliaw qhanañchi.” Ukatjja, Yatiyañataki septiembre 1 sat revistan qhep qhepa janan utjki uka yatichäwin nayrïr jisktʼapatwa yatjjattʼapjjäta, ukat Bibliat apstʼat mä jiskʼa tʼaqsa liytʼapjjarakïtawa. Revistanak jaytasinjja, ukjjankki uka jisktʼar qhanañchañatakejj kunürus kuttʼasma ukwa amtawayapjjäta.

Yatiyañataki Septiembre 1

“Jaqenakajj Oraqer jan waltʼayasipki ukajj ¿askichasispati? [Kamsanis uk istʼäta.] Jan waltʼayapki ukjja jaqenakajj janiw askichapkaspati, ukampis Bibliajja, Diosaw askichaspa ukat askichañ wal muni sasaw qhanañchi. Ukjja, Salmo 65:9 [liytʼäta] qellqatanwa qhanañchi. Kunjamsa Diosajj aka Oraqe jan walinakat jarkʼaqani ukat jutïrin kuna bendicionanaksa katoqañäni ukwa aka revistajj qhanañchaski. Liytʼañamatak mayit jaytawayäma.”

¡Despertad! Septiembre

“Yaqhepanakajj wals trabajapjjañapäkaspa ukham amuyasipjje, ukampis walja trabajonïsajj janiw kuns lurirjamäjjapjjeti. Ukham wal trabajañajja, maynirojj mayjtʼayaspawa, usuntayaspawa ukat aynachtʼayaspawa sasaw uka toqet yatjjatatanakajj sapjje. Trabajompi jan sinti aynachtʼañatakejj ¿kunas yanaptʼistaspa? [Kamsanis uk istʼäta.] Bibliankir aka ewjjtʼaw uka toqet amuytʼayistu [Eclesiastés 4:6 liytʼäta]. Trabajomp jan sinti aynachtʼañatakejj kunanaksa lursna ukwa aka revistajj pusi toqet qhanañchaski.”