Yatiyañatak yanaptʼanaka

Octubre phajjsin nayrïr sábado urun Bibliat yatichañ qalltañataki

“Mä suma gobiernot parltʼiriw vecinonakamar mä rato visittʼasipkta. ¿Kawkïr gobiernos ina chʼusat tʼaqhesiñanaka, jan walinaka tukjaspa?” Kamsanis uk istʼäta. Jesusajj Diosar mayisiñ arkirinakapar yatichkasajja, uka kasta gobierno mayipjjañapataki, mä arunjja, Diosan Reinop mayipjjañapatakiw yatichäna sasaw amtayañama. Ukatjja, Yatiyañataki octubre 1 sat revistan qhep qhepa janan utjki uka yatichäwin nayrïr jisktʼapatwa yatjjattʼapjjäta, ukat Bibliat apstʼat mä jiskʼa tʼaqsa liytʼapjjarakïtawa. Revistanak jaytasinjja, ukjjankki uka jisktʼar qhanañchañatakejj kunürus kuttʼasma ukwa amtawayapjjäta.

Yatiyañataki Octubre 1

“Jesusajj arkirinakapar Diosar mayisiñ yatichkäna uka uñtʼat mayisïwi toqet parltʼiriw mä rato visittʼasipkta. [Mateo 6:9, 10 liytʼäta.] ¿Diosan Reinopajj kunasa ukat kunatsa Jesusajj uka toqet wal parlirïpachäna uk qhanañchtʼapjjerïtamti? [Kamsanis uk istʼäta.] Diosan Reinop toqet Bibliajj kamsisa ukat kuna askinaksa aka Oraqen lurani ukjja, aka revistaw qhanañchaski.”

¡Despertad! Octubre

“Aka jisktʼan qhanañchäwip kunjamsa jikjjatapjjaspa uk jaqenakar yatichtʼañatakiw mä rato visittʼasipkta. [Revistan nayrïr janap uñachtʼayäta.] ¿Maynejj wali qollqenïspa ukhakit cheqpachapun kusisitäspa? [Kamsanis uk istʼäta.] Biblianjja, qollqe toqet jan sinti llakisiñatakiw ewjjtʼistu [Lucas 12:15 liytʼäta]. Cheqpach kusisiñjja, taqeniw jikjjatapjjaspa sasaw Bibliajj qhanañchi. Aka revistaw uka toqet jukʼamp qhanañchaski.”