Yatiyañatak yanaptʼanaka
Noviembre phajjsin nayrïr sábado urun Bibliat yatichañ qalltañataki
“Aka wakiskir jisktʼa uñachtʼayañ munsma. [Yatiyañataki noviembre 1 sat revistan qhepa janapan utjki uka yatichäwin nayrïr jisktʼap liytʼäta.] ¿Kamsasmasa? [Uka jisktʼa aynachan utjki uka pä tʼaqanakwa liytʼäta ukat Bibliat apstʼat mä jiskʼa tʼaqsa liytʼarakïtawa.] Kunatsa Jesucristojj jaqenakar jaktaypachäna ukat kunatsa jiwasan uk yatiñasajj wakisi uka toqet parltʼañatak kuttʼanirista ukajj ¿walïspati?”
Yatiyañataki Noviembre 1
“¿Kunatsa jan walinakajj akapachan sintipunëjjpacha sasin jisktʼasirïtati? [Kamsanis uk istʼäta.] Biblian uka toqet kamspachas uk uñjañäni. [Apocalipsis 12:9 liytʼäta.] Ukampis 12 jiskʼa tʼaqapanjja, mä suytʼäwi churarakistu. [Apocalipsis 12:12 liytʼäta.] Supayajj janiw jaqenakar mayampsa jan walinak lurayjjaniti. ‘¿Supayar ajjsarañasäspati?’ sat aka yatichäwiw kunjamsa jichhürunakan jupat jarkʼaqassna, jutïrin kunas jupampejj pasani ukanak qhanañchaski. Aka revistajj jumatakiwa.”
¡Despertad! Noviembre
“Taqeniw kusisitäñ muntanjja, ukampis waljanejj janiw kusisitäpkiti ¿kunas kusisitäñatak yanaptʼistaspa? [Kamsanis uk istʼäta.] Bibliaw kusisita jakasiñatakejj yanaptʼistaspa. Amuytʼañataki, aka jiskʼa tʼaqanjja mä suma ewjjtʼaw utji. [Hebreos 13:5 liytʼäta.] Kunjamatsa kusisitässna ukjja Bibliaw yatichistu, ukwa aka revistan pusi toqet qhanañchaski.”