Katoqtʼasirïñajj ‘kuna sumanakatï’ utjkistu uk churañatakiw yanaptʼistani (Mat. 12:35a, NM)

Cheqas taqeniw ‘kuna sumanakatï’ utjkistu uk churañ muntanjja, ukhamajj ‘visitanakar sum katoqtʼasaw’ uk lursna (Rom. 12:13). Yaqha tamat arstʼir jutapki ukanakan pasajenakapajj kunjamsa pagasini khitis manqʼa wajjtʼani ukanak irpir chuymaninakaw wakichapjje. Ukampis jukʼa qollqenikïtas laykojj inas mayninakar katoqtʼañsa jan ukajj utasar jawstʼañsa ajjsarayasna. Ukham jan amuyañatakejja, kuntï Jesusajj Martar ewjjtʼkäna ukar istʼañaw yanaptʼistani (Luc. 10:39-42). Jesusajja, maynejj visitʼkistu ukat chʼamañchtʼawaykistu ukaw “sumïrïkis” ukajja, janiw mä suma utäkiti ni manqʼakisa sasaw qhanañchäna. Uka ewjjtʼarjam lurañänejja, ‘kuna sumanakatï’ utjkistu ukjja, jilat kullakanakasaru churañäniwa, kunjamtï Bibliajj siski ukarjama (3 Juan 5-8).