Suma luräwinak lurañar taqe chuym chʼamañchtʼasipjjañäni

Hebreos 10:24 qellqatan akham siwa: ‘Thaqañasaw maynit maynikama kunjaman yanaptʼasiñataki jan ukajj chʼamañchtʼasiñataki munasiñaru, suma luräwinak lurañaru’ sasa. Mayninakarojj suma sarnaqatasampi, suma experiencianakasampiw chʼamañchtʼsna. Ukhamajj kuna experiencias utjchistojja, cuentʼañasawa. Diosar kusisita servitas amuyapjjañapawa. ‘Nayjam jan ukajj jupjam luram’ sasajj janiw sañasäkiti (Gál. 6:4). Antisas ‘munasiñaru, suma luräwinak lurañaruw’ chʼamañchtʼañasa, janis sum lurapkaspa ukham janiw amuyayañasäkiti (Benefíciese librot 158 jana 4 tʼaqap uñjjattʼäta). Munasiñaru, suma luräwinak lurañaru chʼamañchtʼañänejja, taqe chuymaw yänakampis jan ukajj yatiyir sarasas yanaptʼapjjani (2 Cor. 1:24).