Yatiyir sarasa Diosan Arup sum apnaqapjjañäni

Mä jaqetï yatiykasin sum istʼistu ukhajja, jankʼakiw jupamp parltʼtanjja ukat Biblian jiskʼa tʼaqanakapsa liytʼarapiraktanwa. ¿Kunatsa? Kunatejj Jehová Diosan Arupajj wali chʼamaniwa. Pasïr maranjja, mä uru jachʼa tantachäwin “Yatiyir sarasa Diosan Arup sum apnaqapjjañäni” sat arstʼäwinwa ukajj qhanañchasïna. Ukjja tamanak tumptʼir jilataw arstʼaskäna. Ukanakat mä qawqhanak amthaptʼañäni.

• ¿Kunatsa Jehová Diosan Arupajj jiwasan arunakasat sipansa jukʼamp chʼamani? (2 Tim. 3:16, 17.)

• ¿Kunatsa Bibliajj jaqenakan chuymapar purtʼiwa, amuyunakaps mayjtʼayiwa, amtanakapsa qʼomachiwa ukat sarnaqäwips cheqañchiwa sasajj sissna? (Yatiyañataki junio 15, 2012, revistat 27 jana 7 tʼaqa uñjjattʼäta.)

• Yatiykasin mä jiskʼa tʼaqa liytʼarapisajja, ¿kunjamsa Bibliar wali askit uñjapjjañapatak jaqenakar yanaptʼsna? (Benefíciese librot 148 jana 3, 4 tʼaqanaka ukat Diosan Apnaqäwipat Yatiyañataki marzo 2013, 14 jana 8 tʼaqa uñjjattʼäta.)

• Biblian mä jiskʼa tʼaqap liytʼañäni ukhajja, ¿kunatsa jaqenakar sum qhanañchtʼañasa ukat sum amuytʼayañasaraki? ¿Kunjamsa uk lursna? (Hech. 17:2, 3; Benefíciese librot 154 jana 4 tʼaqat 156 jana 5 tʼaqakam uñjjattʼäta.)