Jukʼamp sum yatiyañataki: qhatunakan yatiyapjjañäni

Kunatsa uk lurañajj wakisi. Jaqenakajj walja horanakaw irnaqapjje, ukatwa pachpa irnaqäwipan Diosan Reinopat jupanakar yatiyañajj wali askïspa. Qhatunakan yatiyañajj wali sumäspawa, ukat walja askinakaw jikjjatasispa, kunatejj walja jaqenakaw qhatunakan utji. Ukatjja, aljirinakajj wali sum alasirinakarus katoqtʼapjjaraki. Askinak jikjjatañatakejja, yatiyirinakajj suma isthaptʼata, ukat wali amuyumpiw yatiyapjjañapa (2 Cor. 6:3). Ukatwa yatiyañ toqet sarayir irpir chuyman jilatajj qawqha kutis uka cheqan yatiyasiski, ukat khitinakas yatiyapjje uk yatiñapajj wakisi.

Kunjamsa uk lursna:

Jukʼa arunakampi yatiyañ qalltañatakiw wakichtʼasiñasa. Aljirirutï walja tiempo apaqañäni ukhajja, janiw mayan istʼañ munjjestaspati.
Alasirinakajj jan utjki uka horasaruw yatiysna. Sañäni, kunapachatï aljañatak uttʼayasjjapjje uka horasaru.
Nayraqatajj qhatu uñjirinakaruw yatiysna. Jupanakarojj wali munasiñampi, respetompiw parltʼañasa. Inas akham sissna: “Jaqenakarojj janiw utapan jikjjatañjamäkiti, ukatwa irnaqäwipan mä qawqha minutonak visittʼasipkta, ukhamat jupanakamp parltʼañataki” sasa. Jukʼa arunakampiw yatiyañ qalltañasa, ukat mä tratado jan ukajj revistanaka janukajj yaqha qellqatsa churaraksnawa. Ukampis janiw uka qellqatanakat qollq mayiñasäkiti, ukhamat jan mä aljirirjam uñjañapataki.
Qhatu uñjiritï istʼistani ukhajja, trabajirinakapampi mä ratu parltʼañatakiw mayiraksna. Yaqhep jachʼa tiendanakanjja, inas kawkhantï irnaqerinakajj samartʼapki uka cheqanakar qellqatanak jaytañataki jisktʼsna.
Wali amuyumpipuniw yatiyañasa. Sañäni, aljiritï mä alasirimp parlaskchi ukhajja, parlañ tukuyañapkamaw suytʼañasa.

Aka phajjsejj ak lurañatak chʼamachasiñäni:

Familiana Diosar Yupaychañataki Arumanwa, kunjamsa qhatunakan yatiysna uk yatsuñasa.