Tantachäwiru jutapjjañapatakiw jaqenakar invittʼasipki.
Yatiyañatak yanaptʼanaka
¡DESPERTAD!
Jisktʼa: Jaqenakajja Jesusajj janiw aka oraqer jutkänti sasaw creyipjje, yaqhepasti jutänwa sasinwa sapjjaraki. Yaqhepanakasti janiw uk yatksnati sasaw sapjjaraki. ¿Jumajj kamsarakismasa?
Qellqata: Aka revistajja, cheqapunit Jesusajj aka Oraqer jutäna janicha ukwa qhanañchaski.
KUNATÏ CHEQÄKI UK YATICHAÑÄNI
Jisktʼa: ¿Jiwatat jakañajj utjaskakpachati?
Bibliajj kamsisa: Jn 11:11-14
Cheqa yatichäwi: Mä jaqejj jiwjje ukhajja janiw kawkirus sarkiti. ‘Jiwañajj ikiñampi sasiwa’ sasaw Jesusajj qhanañchäna. Lázaro chacharojja Jesusajj ‘ikitwa’ sartayäna, mä arunjja, jaktayänwa. Munat familiaranakasarojj ukhamarakiw Jesusajj jaktayani, ukhamat aka oraqen jakapjjañapataki (Job 14:14).
TANTACHÄWINAKARU INVITTʼAÑATAKI (inv)
Qellqata: Mä tantachäwiruw invittʼañ munsma, ukanjja mä arstʼäwiw utjani. Ukajj tantachasipkta uka cheqankaniwa [invitación churäta, Tantachasiñ Utajj kawkhankisa, semana tukuyar apaski uka tantachäwejj kuna horanisa ukat arstʼäwejj kuna pʼeqeñchäwinïnisa uk qhanañchtʼäta].
Jisktʼa: ¿Jehová Diosan Testigonakapan tantachäwinakaparojj sarirïtati? [¿Kunjamsa tantachäwinakajj apasi? sat video uñtayarakisma].
KUNJAMSA YATIYASMA UK QELLQTʼASIM
Kunjams yatiyasma uk juma pachpa akankir yanaptʼanakarjam wakichtʼasim.